Спорт
Продолжува Мото ГП „вртелешката“ – Петручи е седми различен победник во 2020
Возачот на Дукати, Италијанецот Данило Петручи стана седмиот различен победник во Мото ГП шампионатот оваа сезона, откако на влажната патека Ле Ман триумфираше на Француското ГП пред дебитантот Алекс Маркез кој го освои првиот подиум во кариерата за Репсол Хонда и Пол Еспаргаро за КТМ.
Повредата на Мото ГП „кралот“ последните сезони, постариот брат на Маркез, Марк Маркез, предизвика невидена борба за титулата оваа сезона со осум различни победници во 10 трки и дури 15 различни возачи на подиумот.
Дождот на стартот на патеката значеше дека ова ќе биде прва Мото ГП трка на влажна патека од 2018 година и прва влажна трка за многу млади возачи во шампионатот. Освојувачот на пол-позицијата и лидер во генерален пласман, Фабио Квартараро доминираше цел викенд на сува патека, но бргу стана јасно дека Јамаха нема мотоцикл за ваква трка, и Французинот беше поминат веднаш, со поискусните возачи напред – Данило Петручи, Андреа Довициозо и Џек Милер.
Трката имаше пресврт кога Џек Милер успори поради механички проблеми, а Алекс Ринс се излизга на третата кривина, дозволувајќи Петручи да направи предност од две секунди, која ја заддржа до крајот на трката за втор триумф во кариерата. Дебитантот Маркез имаше фантастичен втор дел од трката, која да траеше круг-два подолго ќе стигнеше до победата.
Пол Еспаргаро го помина Довициозо и Жоан Зарко за пласман на подиумот, додека Квартараро беше само на деветтото место, доволно да остане лидер во генерален пласман пред Довициозо на пет трки пред крајот на сезоната.
Lucky number seven!!! ?@Petrux9 claims a second career win and the 7th different winner of 2020 in an absolute thriller! ?#FrenchGP ?? pic.twitter.com/W4v9iLyuHo
— MotoGP™? (@MotoGP) October 11, 2020
? @alexmarquez73 ON THE PODIUM! From 18th to 2nd! ?
The 15th different rider to stand on the podium this season! ???#FrenchGP ?? pic.twitter.com/yeer3A4Qne
— MotoGP™? (@MotoGP) October 11, 2020
Nobody can begrudge @Petrux9 this! ?
The @ducaticorse rider puts his tough 2020 behind him with a masterclass in horrendous conditions! ?#FrenchGP ?? pic.twitter.com/DrQ2nrVpUU
— MotoGP™? (@MotoGP) October 11, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Грилиш на принудна пауза
Еден од најдобрите играчи на Евертон, Џек Грилиш, ќе мора да направи долга пауза.
Како што беше потврдено денес, Грилиш доживеал сериозна повреда на стапалото, поради што го очекува пауза од околу три месеци.
„Денес, Грилиш беше подложен на дополнителни медицински тестови, по што беше утврдено дека има сериозна повреда која бара долга рехабилитација и закрепнување од најмалку 12 недели“, обајави клубот..
Во најдобар случај, Грилиш ќе се врати на теренот во втората половина на април, а дотогаш ќе пропушти голем број натпревари.
Евертон е 10-ти на табелата во Премиер лигата со 32 освоени бода.
Грилиш во најдобар случај ќе се врати на теренот на 18 април кога Евертон ќе го пречека градскиот ривал Ливерпул.
Foto/ depositphotos
Спорт
Тер Штеген во Џирона до крајот на сезоната
Голманот на Барселона и германски репрезентативец, Марк-Андре Тер Штеген, ќе игра на позајмица во Џирона до 30 јуни оваа година, објавија двата шпански клуба.
Според договорот што го постигнаа клубовите, Барселона ќе исплаќа околу 90 отсто од платата на тер Штеген.
Тер Штеген (33) пристигна во Барселона во 2014 година од Борусија Менхенгладбах, а оваа сезона одигра само еден натпревар за тимот од „Ноу Камп“.
Тер Штеген денес го имаше својот прв тренинг со својот нов клуб. Тој бранеше за германската репрезентација на 44 натпревари.
Foto/ depositphotos
Спорт
Конте: Не сме на нивото на Лигата на шампионите
Тренерот на Наполи, Антонио Конте, изјави дека е разочаран од нерешениот резултат против Копенхаген во седмото коло од Лигата на шампионите, објавија денес италијанските медиуми.
Фудбалерите на Копенхаген и Наполи играа вчера во Данска без победник, 1:1. Копенхаген од 35-та минута играше со фудбалер помалку, бидејќи црвен картон доби искусниот Томас Дилејни.
„Ме боли и мора да ги боли моите играчи. Мора да бидеме лути, мора да бидеме разочарани. Имавме во вистински услови за победа и пласман во плејофот. Можеме да имаме илјада изговори, но тие не вредат, бидејќи натпреварот одеше толку добро во тие околности, што мораше да победиме“, рече Конте.
Наполи моментално е на 23-то место на табелата на ЛШ со осум бода.
„Четврти натпревар по ред покажавме дека се мачиме. Имавме целосна контрола, со 11 играчи против 10, па дури и ако ви недостасуваат 10 играчи и се чувствувате уморни, мора да победувате во вакви натпревари. Едноставно – мора. Постои разочарување, бидејќи не успеавме, па затоа е очигледно дека нашето ниво не е соодветно за ова натпреварување во моментов. Имаме само осум бода во Лигата на шампионите, сите мора да ја прифатиме вината. Во оваа ситуација, мора да победите“, нагласи Конте.
Фудбалерите на Наполи ќе го пречекаат Челзи во последното, осмо коло од Лигата на шампионите.
Foto/ depositphotos

