Дестани Ајава, австралиска тенисерка, на 24-годишна возраст реши да стави крај на кариерата.

Поради огромната количина на омраза, па дури и смртни закани, таа одлучи дека и е доста.

Одлуката ја донела откако загуби од Габриела Кнутсон со 6:4, 3:6, 7:5 во финалето на ИТФ турнирот во Прага. Вообичаено, оние кои се обложуваат на спортски резултати први пишуваат ужасни пораки, први пцујат, навредуваат и се закануваат.

„Донесов одлука да се повлечам поради пораките со омраза (мизогинија) и смртните закани што ги добивам по секој изгубен натпревар“, рече Ајава.

Во моментот кога го напушти тенисот, таа беше на 169. место во светот, а во текот на 2017 година стигна до 147. позиција.

Реал Мадрид ќе му понуди нов договор на капитенот на хрватската фудбалска репрезентација Лука Модриќ и покрај тоа што во септември ќе наполни 40 години, најави Никола Шира, италијански новинар и експерт за фудбалски трансфери.

Во објава на социјалната мрежа „Х“, тој напиша дека Реал сака да го задржи својот капитен и следната сезона и дека ќе му понуди договор до летото 2026 година.

Исто така, се наведува дека Модриќ сака да ја продолжи својата кариера бидејќи сонува да игра со хрватската репрезентација на Светското првенство во 2026 година.

Модриќ е во Реал од 2012 година. Тој е најтрофејниот играч на „кралскиот клуб“, шест пати ја освои Лигата на шампионите, четири пати бил шампион на Шпанија.

Навивачите на Ваљадолид преку официјално соопштение му пишаа на клубот по дебаклот на натпреварот со Атлетик, одигран вчера на „Сан Мамеш“ во Билбао и бараат да им се вратат парите што ги платиле за билетите.

Тимот од „Зориља“ го претрпе најтешкиот пораз (7:1), во инаку очајната сезона во која го зазема последно место на табелата во Ла Лига.

Во претходното коло Ваљадолид беше поразен на домашен терен од Севиља со 0:4, но срамот во Баскија беше последната капка која ја пречи чашата во односнот меѓу навивачите и клубот.

Официјалната навивачка група на Ваљадолид излезе со соопштение во текот на вечерта и испрати повеќе од јасна порака до играчите и клубот по срамниот настап во Билбао.

Тие бараат од играчите да ги покријат трошоците за нивните билети за натпреварот.

„Вече не станува збор за победи, нерешени и порази, не станува збор ниту за опстанок во лигата, туку за фактот дека најмалку што бараме од тимот е да излезе на теренот и да се бори. Ве известуваме дека писмено побаравме од клубот да ги надомести трошоците за гостински билети за навивачите кои отпатуваа во Билбао, а парите ќе треба да ги рефундираат играчите од првиот тим на Ваљадолид“, се вили во соопштението.

ℂ𝕆𝕄𝕌ℕ𝕀ℂ𝔸𝔻𝕆 𝕆𝔽𝕀ℂ𝕀𝔸𝕃:

Con la presente, informamos que hemos solicitado al club por escrito, la devolución del coste de las entradas visitantes a los aficionados blanquivoletas desplazados a san Mamés, y que dicha devolución sea costeada por la actual plantilla del… pic.twitter.com/Zg8lw0PoNy

— Federación de Peñas del Real Valladolid (@fdprvalladolid) February 23, 2025