Поранешниот француски напаѓач Криштоф Дугари влезе во неверојатен напад на Лионел Меси во обид да го одбрани Антоан Гризман по кризата во Барселона, нарекувајќи го Аргентинецот „дете од 1.5 метар“ кое е „полу-аутистично“.

Дугари, дел од славната францусак генерација од 1998 година, зборуваше по 2:2 ремито на Барселона со Атлетико Мадрид за „РМЦ спорт“, меч во кој Гризман влезе во игра во последните минути од мечот за уште еден разочарувачки резултат за тренерот Кике Сетиен. 48-годишниот Дугари вели дека недостасува хармонија во тимот и најде решение за тоа.

„Од што се плаши Гризман? Од дете кое е високо 1.5 метри и полу-аутистично? Треба на крајот да покаже дека има јајца. Веќе година дена велам дека тој има проблем со Меси и мора да го удри со тоа во лице. Да, Меси може да му подава повеќе, но не сум изненаден. Гризман не игра со доверба и треба да оди кај Меси и да му каже што е проблемот“, вели Дугари.

По бурата на реакции, Дугари мораше да се извини.

„Жал ми е за моите забелешки за Лионел Меси. Не сакав да фрлам стигма на луѓето кои имаат аутизам, и тоа не беше мојата цел. Се извинувам на сите“, напиша Дугари на Твитер, по што уште понеобично, го избриша Твитот.

Тренерот на Борусија Дортмунд Лусиен Фавр рекол дека клубот мора да си постави реални цели со оглед на моќта која ја има големиот ривал Баерн Минхен.

Баерн со години доминира во Бундеслигата, пред две недели тие ја освоија седмата последовна титула во домашниот шампионат, вкупно 30 во клупската историја.

Борусија Дортмунд последен пат биле шампиони со Јирген Клоп, во 2012 година. Во последните две сезони „милионерите“ првенствената трка ја завршуваа зад Баерн.

„Ќе продолжиме да си поставуваме високи цели, но во исто време тие треба да бидат реални. Не сакам да посочувам на фактот дека Баерн за засилувања има буџет кој е за 150 милиони евра поголем од нашиот. Не смееме да замижеме пред овој податок“, рекол Фавр за „Билд“ и проговорил за штотуку завршената сезона.

„Бевме блиску до титулата. Сепак не смееме да заборавиме дека вториот дел од сезоната што го одигра Баерн е најдобар во нивната историја. Во исто време можевме да видиме екстремен напредок кај Лајпциг, Менхенгладбах и Баер Леверкузен. Не ни беше загарантирано второто место.“

Лусиен Фавр и во наредната година ќе остане тренер на „милионерите“, неговиот договор истекува во јуни 2021 година.

Светското првенство во рели ќе продолжи во септември објави ФИА. Поради коронавирусот сезоната беше прекината по само три извозени трки. Ре-стартот на сезоната ќе се случи во Естонија.

Прв пат во историјата Естонија ќе биде домаќин на најдобрите рели возачи. Релите на програмата ќе биде од 4 до 6 септември.

ФИА најави дека до крајот на сезоната ќе се возат уште најмалку пет трки, по трката во Естонија планирани се трките во Турција (24-27 септември), Германија (15-18 октомври), Италија (29 октомври-1 ноември) и Јапонија (19-22 ноември).

Трките во Белгија (2-4 октомври) и Хрватска остануваа опции за дополнување на календарот.

ФИА соопшти дека оваа година нема да се вози трката во Аргентина.