Спорт
Просинечки сака да биде тренер на „Црните ѕвезди“

Хрватскиот тренер, Роберт Просинечки се пријавил за испразнетото место селектор на фудбалската репрезентација на Гана, а оваа информација на тамошните медиуми ја пренесе неговиот агент Јосип Вукоја.
Според „Ghana Soccernet“, поранешниот фудбалер и тренер на Црвена звезда во наредните денови ќе започне преговори со челниците на фудбалската федерација на оваа западноафриканска земја.
Како главен тренер, Просинечки (55) ги водеше Црвена звезда (2010-2012), Кајзериспор (двапати), репрезентацијата на Азербејџан, репрезентацијата на Босна и Херцеговина, Денизли, Олимпија и Рудеш.
Во Гана не се задоволни од настапот на Купот на африканските нации, каде „црните ѕвезди“ го завршија натпреварувањето во групната фаза. Тренерите кои се поврзуваа со функцијата нов селектор се познатите Германци Феликс Магат и Јирген Колер.
Низ историјата, Гана често ја воделе тренери од овие простори: Милан Живадиновиќ, Ратомир Дујковиќ, Милован Рајевац во два наврати и Горан Стевановиќ. Интересно е што Просинечки беше во контакт со ФС Гана и во 2012 година, кога Стевановиќ си замина од селекторската функција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гвардиола има план како да му го украде Гуеи на Ливерпул

Пеп Гвардиола наредил, а Манчестер сити ќе се обид ви финишот на преодниот рок да го реализира трансферот на Марк Гуеи. Капитенот на Кристал Палас, чии договор истекува на крајот од сезоната, цело лето се поврзува со Ливерпул.
Гвардиола сака да ги има Гуеи во составот, откако е извесни дека ќе остане без двајца централни дефанзивци. Нејтан Аке има понуда од Евертон, а за Мануел Аканџи Галатасарај истпари понуда.
Токму Аканџи треба да биде клучот за преселбата на Гуеи во Сити. „Граѓаните“ се подготовени да понудат одредена сума на пари и да го испратат Аканџи во Кристал Палас во замена за нивниот капитен и стандарден репрезентативец на Англија.
Фото/ Принтскрин
Спорт
Мијатовиќ: Винисиус не заслужува да го носи дресот на Реал

Предраг Мијатовиќ, стрелецот на голот во 1995 година со кој Реал по 30 години пауза стана европски првак, жестоко го критикуваше Винисиус Жуниор. Актуелниот потпретседател на фудбалскиот клуб Партизан, рече дека Бразиелцот не заслужува да го носи дресот на Реал.
Реал во неделата, победи во Овиедо со 3:0. Два од трите гола Реал постигна во самиот финиш на мечот. Еден постигна Винисиус, но медиумите во Шпанија по мечот повеќе пишуваа за однесувањето на Бразилецот, отколку за она што го покажа на теренот.
„Некои работи не се менуваат. Сметам дека со однесувањето не заслужува да го носи дресот на Реал Мадрид. Се мотивира така што се расправа со сите. Тој е исклучителен фудбалер, но мора внимателно да процените дали вреди да се биде во клубот“, рече Мијатовиќ.
Фото/ Принтскрин
Спорт
Ништо од Димитриевски, Леванте го потпиша Мет Рајан

Голманот на фудбалската репрезентација на Македонија, Столе Димитриевски ги разгледува опциите да го смени клибот до крајот на преодниот рок. Валенсија, откако Георги Мамардашвили си замина во Ливерпул, на позајмица го донесе Хулен Агирезабала од Атлетик Билбао и тој е проектиран да биде прв голман.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул.
Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија, на барање на тренерот Карлос Корберан, на позајмица го донесе Хулен Агирезабала од Атлетик Билбао. По овој потег што го повелекова „лилјаците“ беше јасно дека Димитриевски ќе замине од „Местаља“.
Пред пет дена шпанските медиуми објавија дека Димитиревски е блиску до договор со Леванте, но по се изгледа трансферот нема да се случи.
Претпалднево, Леванте повтрдија дека потпишале договор со искусниот австралиски голман Мет Рајан (33). Тој потпиша како слободен агент (година плус година), откако му истече договорот со Ленс.
Шпанските медиуми, пред три недели, пишуваа дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez