На големо изненадување, Лоренцо Мусети беше прогласен за најдобар спортист на годината во Италија, во изборот на весникот „Газета дело спорт“.

Сите очекуваа дека тоа ќе биде вториот тенисер во светот, Јаник Синер, кој освои две гренд слем титули оваа година, а сезоната ја заврши со трофеј на последниот Мастерс турнир во сезоната.

„Лоренцо Мусети, кој годинава влезе меѓу првите десет во светот, е последниот поет со рекет во рака. Тој е вистински пример за тоа што може да произведе комбинација од класа и пот. Велат дека тој е сè уште необработен талент, дека се пробил меѓу првите 20 кога имал само 21 година како да е детска игра.

Оваа година Лоло (прекарот на Мусети) ги задоволи вкусовите дури и најпребирливите. Во фантастичната 2025 година, тој беше крунисан на повеќе начини. Деби во првите десет, прво финале на Мастерс 1.000, прво пласман на завршниот турнир во сезоната во Торино. Затоа е добитник на наградата за спортист на годината што ја доделува „Газета“.

Можеби причината за оваа одлука може да се види во фактот дека Синер, за разлика од Мусети, одлучи да не игра за својата репрезентација.

Италија и без Синер успеа да го одбрани трофејот во Дејвис купот, а Мусети го понесе поголемиот дел од товарот.

Foto/ depositphotos

Ливерпул, во зимскиот преоден рок, ќе донесе замена за Мохамед Салах. Јасно е дека иднината на Салах во клубот е неизвесна, осбено по изјавата дека „клубот го фрлил под автобус“.

Англиските медиуми тврдат дека Ливерпул би можел да се ангажира за крилниот напаѓач на Борнмут, Антоан Семењо. Според овие извори, клубот ќе ја активира неговата откупна клаузула од 65 милиони фунти (околу 74 милиони евра).

Семењо е главна цел на Ливерпул, но и на неколку други клубови од Премиер лигата. За него се тврди дека ќе биде главна ѕвезда во зимскиот преоден рок. Според медиумите за неговиот потпис Ливерпул ќе се бори со Манчестер Сити и Тотенхем.

Се шпекулира дека клаузулата за откуп на Семењо е активна само во текот на првите две недели од јануарскиот преоден рок, што значи дека договорот, доколку се случи, би требало да биде завршен многу брзо. Дебатата за иднината на Салах веројатно ќе трае до крајот на месецот, со оглед на тоа што Африканскиот куп на нации завршува на 18 јануари.

Семењо има шест гола и три асистенции во 14 натпревари во Англиското првенство оваа сезона.

Foto/ depositphotos

Карим Бензема, легенда на Реал Мадрид, ја анализираше ситуацијата во клубот. Легендарниот Французин го носеше дресот на Реал Мадрид 14 години и во тој период освои сè во клупскиот фудбал. Тој моментално игра за Ал Итихад, а во интервју за „Лекип“, се осврна на актуелниот момент во својот поранешен клуб.

Бензема смета дека проблемот во Реал не е тренерот, туку играчите.

„Она што му недостасува на Реал Мадрид е врската помеѓу Мбапе, Винисиус, Белингам и Родриго. Секој од нив мора да знае што треба да прави на теренот. Белингам мора да разбере дека не е напаѓач, туку играч од средниот ред, Мбапе е напаѓач, а не офанзивен играч од средниот ред, Винисиус не е заден играч за врска, туку лево крило. Зборуваме за играчи кои се меѓу десетте најдобри во светот, и сите се во истиот тим. Тешко е, бидејќи секој има своја личност и карактер. Секој сака да биде најдобар, па затоа е малку комплицирано“.

Се поставува прашањето колкава одговорност има Чаби Алонсо во целата ситуација.

„Тренерот не може ништо да направи, ова е работа на играчите. Ако вашиот соиграч е подобар од вас, мора да го прифатите тоа, а не мислам дека тоа е прифатено во Реал. Затоа имате проблеми кога имате пет или шест одлични играчи во вашиот тим. Сите тие придонесуваат, но голгетерот е оној кој добива малку повеќе внимание од другите. Но, нему му се потребни други соиграчи, не може сè да направи сам.“

Егоизмот во клуб како Реал е нормална појава, проблемот е како да се контролира егото на светските ѕвезди.

„Проблемот е што во Реал Мадрид нема поискусни играчи кои се осмелуваат да им кажат на Белингам, Мбапе и Винисиус дека прават нешто погрешно. Тренерот го прави тоа, но на поинаков начин. Ситуацијата е комплицирана, денешните играчи не разговараат едни со други и тоа може да се забележи. Сè се сведува на „Јас си ја завршив работата, постигнав гол“. Критиката секогаш е тешка за прифаќање, но всушност е чекор напред ако ја прифатите добро. Реал Мадрид е комплицирана средина во моментов, бидејќи има премногу добри играчи“.

Foto/ depositphotos