Спорт
Против „старите познаници“ Чесите за пласман во втората фаза
По драматичната победа над Украина, осигурана во последните секунди од мечот, денеска (16.00 часот), македонската ракометна репрезентација ја чека вториот тест, „стариот познаник“ Чешка, репрезентација против која имаме играно дури 14 пати.
Со надеж дека нема да бидат потребни средства за смирување во мечот, со победа селекцијата на Данило Брестовац ќе зачекори кон втората фаза на Европското првенство пред дуелот со мотивираните Австријци, но секогаш е најтешко да се игра со противници кои немаат што да загубат – со пораз, Чесите би се простиле од Евро 2020.
Во 14-те претходни дуели на двете репрезентации, Македонија има 5 победи, Чесите 6 пати славеле, а три натпревари завршиле без победник. На ЕП во 1998 година токму од нив го имаме доживеано најголемиот пораз на едно ЕП (38:18), а во посвежите сеќавања тука е дуелот од ЕП пред две години, кога загубивме со 25:24, така што сега е совршено време за реванш.
Чешка сигурно е посилен противник од Украина и нема да биде лесно да се спротиставиме на репрезентација која на речиси секоја позиција има одлични ракометари – Здрахала, Бабак, Бечвар, Кашпарек… Ветеранот Ондреј Здрахала вели дека мораат да одат на победа.
„Во првиот меч бевме премногу нервозни, посебно младите ракометари. Ќе биде тешко, знаеме дека мораме да победиме. Не смееме да дозволиме да примиме 32 гола како против Австрија“, вели Здрахала.
Фото: ЕПА
ДЕНЕСКА НА ЕП, 2.КОЛО
ГРУПА Б
Чешка – Македонија 16.00 ч.
Австрија – Украина 18.15 ч.
Табела: 1.Австрија 2, 2.Македонија 2, 3.Украина 0, 4.Чешка 0
ГРУПА Д
Португалија – Босна и Херцеговина 16.00 ч.
Франција – Норвешка 18.15 ч.
Табела: 1.Норвешка 2, 2.Португалија 2, 3.БиХ 0, 4.Франција 0
ГРУПА Ф
Швајцарија – Полска 16.00 ч.
Шведска – Словенија 18.15 ч.
Табела: 1.Шведска 2, 2.Словенија 2, 3.Полска 0, 4.Швајцарија 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.