Фудбалерите на Реал Сосиедад им го уништија сонот на колегите од Виљареал дека ќе можат да дојдат до четвртото место на табелата, кое обезбедува место во Лигата на шампионите.

Вечерва во 36 коло Сосиедад славеше во Виљареа 2:1. На стадионот во Виљареал, Реал Сосиедад до победата дојде со головите на Вилијан Жозе во 61 и Љоренте во 75 минута. Ветеранот Санти Казорла во 81 минута го постигна голот за „жолтата подморница“.

Оваа победа на екипата од Сан Себастијан, на две кола до крајот на сезоната и обезбеди место во Лигата на шампионите на Севилја. Во елитата од Шпанија наредната сезона ќе играат и Реал, Барселона и Атлетико.

Во последните две кола ќе се води голема борба за пласман во Лига Европа. Виљареал се на петтото место со 57 бода, три помалку имаат Хетафе и Реал Сосеидад, а на осмото место е Атлетик Билбао со 51 бод.

Во вториот натпревар вечерва Алавес и Хетафе одиграа 0:0. Алевас кој се бори за опстанок во лигата го освои првиот бод по серијата од пет порази. На табелата Алавес има четири бода повеќе од Леганес.



Тренерот на Барселона Кике Сетиен и наредната сезона ќе седи на клупата на славниот клуб. Дека тренерот ќе остане во Барселона потврдил претседателот на клубот Џозеп Марија Бартомеу во разговор за „ТВ3“.

„Сетиен ќе го води тимот во Лигата на шампионите. Тој има намера да биде тренер и наредната сезона, а наша обврска е да го почитуваме договорот што го потпишавме“, рекол Бартомеу.

Сетиен кон крајот на јануари го наследи Ернесто Валверде, меѓутоа со постигнатите резултат, а особено со она што го прикажува тимот не ги исполни очекувањата.

Шпанските медиуми долго време шпекулираат дека Сетиен по завршувањето на сезоната ќе го напушти клубот. Медиумите дури и лицитираат со имињата на оние кои би можеле да го наследат: Чави, Маурицио Покетино, Роберто Мартинез, Роналд Куман и тренерот на Б тимот на Барселона Хавиер Гарсија Пимиента.

Барселона се наоѓа на второто место во Примера со бод и натпревар повеќе од Реал, а во Лигата на шампионите во август ќе го одигра осмина-финалниот реванш со Наполи.

Валтери Ботас и наредната сезона ќе вози за тимот на Мерцедес, објави „Мотоспорт“.

„Веруваме во нашите момци, Ботас ќе вози за нас и в година“, рекол Ола Каленијус, еден од директорите на Мерцедес.

Ботас во Мерцедес се пресели од Вилијамс во 2017 година. Во кариерата има забележано осум победи, 12 пати стартувал од пол-позицијата.

Финецот победи на првата трка оваа сезона, Големата награда на Австрија.