Спорт
Првиот човек на Мото ГП: Не сакам завршница на сезоната каква што беше во Ф1

Првиот човек на Мото ГП шампионатот, Кармело Еспелета, открил дека е разочаран од случувањата на последната трка во Формула 1, по која Макс Ферстапен стана светски шампион.
За потсетување, Ферстапен во последниот круг, на трката во Абу Даби, го помина Луис Хамилтон, по одлуката безбедносното возило да се повлече од патеката.
Истрагата на ФИА, по повод оваа трка се уште трае. За еден месец, ФИА, треба да ги објави сите детали од истрагата. Еспелета рекол дека такви контраверзи не сака да има во Мото ГП.
„На сакам сезоната да заврши на таков начин. Секако дека би сакал да имаме двајца возачи кои ќе бидат во конкуренција за титулата до последната трка, но она што се случи во Формула 1 не е за пофалба. Сенката падна врз возачите кои сјајно се бореа во текот на целата сезона. На крајот имавме ситуација, виде шампионот Хамилтон воопшто да не се огласи по повод овој случај“, рекол Еспелета.
Првиот човек на Мото ГП се присетил на случувањата од 2015 година, кога во последната трка, Хорхе Лоренцо ја освои титулата пред Валентино Роси.
„Знам дека медиумите беа среќни поради она што се случуваше помеѓу Маркез и Роси. Го следеа сето тоа, само за тоа пишуваа. Искрено не ми беше драго. Едноставно не сакам такви работи. Сакам се да се решава на патеката“, заклучил Еспелета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.