Турскиот милијардер, Али Коч кој е сопственик на фудбалскиот клуб Фенербахче од Турција планира да го преземе македонскиот фудбалски бренд, ФК Вардар и да го направи филијала на турскиот клуб, пишува денеска угледниот турски весник „Фанатик“.

Медиумот пишува дека Коч веќе контактирал со челните луѓе во Вардар и понудил неколку модели на соработка.
За почеток Вардар би станал филијала на Фенербахче и во скопскиот клуб би настапувале млади фудбалери и оние кои во клубот од Истанбул би имале мала минутажа.

„Ни фали филијала, многу играчи не добиваат простор и минутажа да се развиваат. Ако имаме покрај себе таков клуб, многу би било подобро“. изјавил Коч.

Турците пишуваат дека Коч може да го купи клубот затоа што тој е во финансиски проблеми поради кои идната сезона ќе се натпреварува во втората македонска лига.

Вардар 11 пати беше шампион на Македонија, а пред 4 години играше во групната фаза на Лига Европа откако претходно го елиминираше токму Фенербахче во квалификациите.

Турскиот фудбалски репрезентативец – Хакан Чалханоглу, довчерашниот играч од среден ред на Милан се прости од „Росонерите“ со специјална видео-снимка.
Турскиот фудбалер видеото го сподели на социјалните мрежи и во него им се заблагодари на сите во Милан за се што помина во изминатите 4 години.

View this post on Instagram

A post shared by Hakan Çalhanoglu (@hakancalhanoglu)

Чалханоглу реши да премине во редивите на големиот градски ривал – Интер со што испровоцира многу навивачи на „црвено-црните“, па наиде на канонада од напади и навреди на социјалните мрежи.
„Камен на сопнување“ беше висината на платата што ја бараше фудбалерот.Милан му нудеше 4 милиони евра по сезона, додека „Нероазурите“ дадоа 5 милиони.
„Интер може да соопшти дека Хакан Чалханоглу им се приклучи на нероазурите. 27-годишниот фудбалер стави потпис со клубот до 30. јуни 2024 година“ – стои во соопштението на Интер.

Англиските фудбалски репрезентативци, Мејсон Маунт и Бен Чилвел се наоѓаат во изолација затоа што биле во близок контакт со заразениот шкотски фудбалер, Били Гилмор. Од друга страна, никој од редовите на шкотскиот национален тим, освен се разбира Гилмор, нема да го пропушти вечерашниот одлучувачки меч (21 часот на „Хемпден парк“) против Хрватска на ЕУРО 2020.

Шкотска и Хрватска во меѓусебниот дуел ќе одлучат која селекција ќе продолжи во осминафинале.

Поранешниот голман на селекцијата на Чешка – Петр Чех е зачуден од оваа одлука за карантин.

„Би замолил некој да ми помогне да разберам како е можно Мејсон Маунт и Бен Чилвел – двајцата со негативни резултати на тест за коронавирус – да мораат да одат во изолација по контактот со Били Гилмор, додека на цел шкотски тим кој со него делел соблекувална, хотел, автобус, авион во текот на патувањето, ресторан и соба за состаноци му е дозволено да игра меч без никакви проблеми само затоа што имал негативен тест. Која е разликата? Тоа е неразбирливо“ – порача Петр Чех.

Инаку во истиот термин додека Шкотска и Хрватска ќе го играат својот дуел, на мегдан на Чешка ќе и застане Англија. Двете селекции имаа по 4 бода од првите две кола во групата Д.