Англискиот репрезентативец и напаѓач на Реал Мадрид, Џуд Белингам изјави дека се чувствува како „жртвено јагне“ откако неговата репрезентација во јули не успеа да го освои Европското првенство.

„Морам да бидам искрен, ја загубив насмевката по Европското првенство. Се чувствував како да ме малтретираат неправедно во однос на она што го дадов. Почувствував остра критика упатена кон мене. Се чувствував малку како „жртвено јагне“. Можеби тоа е самосожалување“, изјави Белингам.

Белингем пред почетокот на Европското првенство со Реал ја освои титулата во Шпанија и Лигата на шампионите, а беше прогласен за играч на сезоната во Шпанија.

„Мислам дека придонесов за репрезентацијата во некои важни моменти, а на крајот како цел свет да ми се сруши, особено три дена по финалето на ЕП. Не се чувствував добро“, заклучи Белингам.

Фудбалерите на Баерн, во Минхен го победија Пари Сен Жермен (1:0) во петтото коло од Лигата на шампионите. Пред почетокот на натпреварот на мета на домашните навивачи беше претседателот на „светците“, Насер Ал-Келаифи.

Навивачите на Баерн на една од трибините истакнаа транспарент со порака:

„Министер, сопственик на клуб, сопственик на ТВ права, член на извршниот комитет на УЕФА, директор на Европската клупска асоцијација сè во едно?“, пишуваше на еден транспарент.

На вториот истакнаа уште една порака:

„Фудбал, тоа сум јас? Е.и се плутократо Ал-Келаифи“.

Арапскиот милијардер на чело на ПСЖ, исто како и сопствениците на Манчестер сити и некои други новоформирани богати клубови, не се по вкусот на навивачите на клубовите со голема традиција.

Кошаркарите на Феникс на домашен терен ги победија Лос Анџелес Лејкерс со 127:100 и ја прекинаа серијата од пет последователни порази во НБА лигата. Во тимот на Феникс се вратија Кевин Дурент и Бредли Бил.

Клучната разлика Феникс ја направи во третиот период, го доби со 36:18.

Девин Букер беше најефикасен во победничкиот тим со 26 поени, имаше и 10 скока, додека Бил и Дурент постигнаа по 23 поени.

Во тимот на Лејкерси дабл-дабл учинок имаше Ентони Дејвис со 25 поени и 15 скока, Леброн Џејмс запиша 18 поени и 10 асистенции, додека ДиАнџело Расел постигна 16 поени.

Кошаркарите на Милвоки на гости го победија Мајами со 106:103, што е нивна петта последователна победа во НБА лигата.

Во текот на третата четвртина гостите водеа со најголеми плус 22 (76:54), а до крајот на овој период Мајами успеа да намали на 85:80.

Во последната четвртина Мајами не успеа да направи целосен пресврт, бидејќи Тајлер Хиро промаши шут за победа.

За Милвоки, поради повреда не играше Јанис Адетокумбо. Демијан Лилард ги предводеше Бакс со дабл-дабл учинок од 37 поени и 12 асистенции. Ова е десетти меч во кариерата на најмалку 35 поени и 10 асистенции што се изедначија со Алан Ајверсон на деветтото место на вечната листа.

Победи изминатата ноќ забележаа и кошаркарите на Хјустон, Чикаго и Сан Антонио.

Европските центри беа главни играчи во своите тимови на тие натпревари. Турчинот Алперен Шенгун ја одбележа вечерта со трипл-дабл учинок (22 поени, 11, скока, 10 асистенции) во победата на Хјустон против Минесота 117:111, Виктор Вембањама го предводеше Сан Антонио против Јута со 34 поени (128:115). ), додека Никола Вучевиќ со 19 поени и 12 скока придонесе за победата на Чикаго над Вашингтон 127:108.