НБА саботата беше одбележана со некои тесни дуели во борба за плејофот и некои фантастични индивидуални остварувања.

Денвер нагетс во интригантната битка со Бруклин нетс, загубија со 125:119 и покрај тоа што Денвер на домашен терен имаа 21 поени предност. Српскиот ас Никола Јокиќ имаше 29 поени, 7 скока и 6 асистентенции, Мајкл Портер уфрли 28, а Факундо Кампацо 19, но од другата страна Кевин Дурент одговори со 33 поени, 11 скока и 7 асистенции, а Кајри Ирвинг имаше 31 поен.

Јокиќ, пак, ги загуби нервите во финишот на мечот, кога по едно потфрлување при 112:119 предност на Бруклин, дојде до топката, но шутираше непрецизно. Тој сметаше дека треба да добие фаул, по што доби и техничка грешка.

Во Сан Франциско пак, Стеф Кари повторно покажа зошт ое еден од најдобрите, постигнувајќи 49 поени за 29 минути при 136:97 победата над Оклахома Сити тандер. Кари, кој има неверојатен просек од 31.9 поени по натпревар, доби мотивација пред мечот, кога Бредли Бил од Вашингтон уфрли 50 поени при 133:132 победата во продолженија над Индијана пејсерс.

„Секако дека следев што прави Бил. Кога некој ќе постигне 50 поени, ќе слушнеш за него“, вели Кари.

Тој имаше 14-од-26 од поле, вклучувајќи 11-од-21 за тројки, за седми пат оваа сезона да има барем 10 тројки.

НБА РЕЗУЛТАТИ

Индијана – Вашингтон 132:133

Филаделфија – Детроит 118:104

Торонто – Мемфис 99:109

Портланд – Сан Антонио 124:102

Јута – Хјустон 124:116

Денвер – Бруклин 119:125

Голден Стејт – Оклахома 136:97

Мексиканската боксерска легенда Саул „Канело“ Алварез е блиску до обединување на сите титули во супер-средна категорија, откако Били Џо Саундерс  не можеше да ја продолжи осмата рунда пред над 70 илјади фанови на „АТ&Т стадионот“ во Тексас.

Саундерс успеа да изддржи седум рунди од мечот за обединување на титулата, но откако доби силен удар над десното око, имаше толку голем оток што не беше можно да се продолжи и тој на крајот заврши во болница. Саундерс, кој немаше пораз во 30 меча, губеше кај тројцата судии пред нокаутот.

Канело сега е сопственик на ВБА, ВБЦ и ВБО титулите во супер-средна категорија и планира меч со носителот на ИБФ титулата, Американецот Кејлеб Плант, со која би станал прв Мексиканец во историјата со четири титули во оваа категорија.

Ливерпул со победата над Саутемптон од 2:0 го скокнаа Тотенхем на табелата. „Црвените“ стигнаа до 57 поени, шест помалку и натпревар помалку од четвртопласираниот Лестер. Саутемптон се 16. на табелата со 37 поени.

Ливерпул не блескаа, но успеаја да победат. Првиот гол на натпреварот го постигна Садио Мане во 31.минута, а точка на натпреварот стави Тијаго Алкантара, во 91.минута со својот прв гол во Премиер лигата.

Имаше Ливерпул шанси да забележи и убедлива победа, меѓутоа Салах и Жота беа индиспонирани во завршниците на акциите.