Спорт
ПСЖ ќе ја активира откупната клаузула во договорот на Педри
![](https://makfax.com.mk/wp-content/uploads/2023/07/1200-L-bara-dembl-et-pedri-ont-un-objectif-clair-pour-leur-retour.jpg)
Француските медиуми објавија, а шпанските пренесоа дека се подготвува спектакуларен трансфер како дел од офанзивата на ПСЖ против Барселона. ПСЖ се фокусира на двајца играчи на Барса. Првиот е крилниот напаѓач Усман Дембеле и ова треба да го реши до понеделник бидејќи Французинот има отштетна клаузула од 50 милиони евра до крајот на месецот. После тоа е сумата за оштета рапидно ќе се зголеми.
„Дембеле е многу блиску до преселба во ПСЖ. Преговорите се во напредна фаза. 26-годишниот играч има клаузула од 50 милиони евра која завршува на 31 јули. После тоа таа се зголемува на 100 милиони евра”, објави РМЦ Спорт.
Овој извор открива дека ПСЖ сака во своите редови да види уште еден играч на Барселона.
„ПСЖ започна операција за купување на Педри. Луис Енрике му порача на раководството на клубот да направи се што е можно за да го донесе. Педри не ја одбил опцијата за преселба во Париз. Освен тоа, тој би сакал повторно да работи со тренерот кај кого дебитираше во националниот тим. Како и во случајот со Дембеле и овде ПСЖ мора експресно да реагира, бидејќи и Педри има помала откупна клаузула. До 31.јули тој е достапен за 110 милиони евра“.
Луис Енрике го издвоил Педри како совршена замена за Марко Верати кој заминува во Саудиска Арабија. Доколку ПСЖ понуди 110 милиони евра за Педри, Барселона мора да дозволи тој преговара со парижаните.
Опасноста од неговото заминување ги шокираше навивачите на Барселона бидејќи Педри (20) е симбол на новата Барса, предодреден да биде лидер во следната деценија. Барселона го донесе пред три години од Лас Палмас за 17,5 милиони евра. Оттогаш, младиот играч за врска стана незаменлив играч на Барселона со 109 настапи и 16 голови и стандарден репрезентативец на Шпанија, за која настапи 18 пати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Кошаркарите на Грција ја елиминираа Хрватска
![](https://makfax.com.mk/wp-content/uploads/2024/07/JANIS.jpg)
Кошаркарите на Грција во финалето од квалификациите за Олимписките игри ја совладаа селекцијата на Хрватска со 80:69 и изборија учество на турнирот во Париз.
Грците ја оправдаа улогата на фаворити на квалификацискиот турнир во Пиреја и по пауза од 2008 година, од последниот настап на Олимписките игри во Пекинг, повторно ќе бидат дел од Игрите, овојпат во Париз.
Хрватска вторпат по ред ќе го пропушти олимпискиот турнир, последен пат играа во Рио де Женеиро во 2016 година и го освоија петтото место.
Грција на Олимпијадата ќе игра во групата А против Канада, Австралија и победникот од дуелот меѓу Шпанија и Бахамите.
На дуелот против Хрватска најефикасен беше Јанис Антетокоунмпо со 23 поени, а Јоргос Папаѓанис постигна 19 поени. Кај Хрватите се истакнаа Ивица Зубац и Дарио Шариќ кои забележаа дабл-дабл учинок. Зубац имаше 19 поени и 12 скока, а Шариќ 14 поени и 12 скока. Матео Дрежњак и Марио Хезоња постигнаа по 15 поени.
Спорт
(ВИДЕО) Синот на Ѓоковиќ стана хит на Вимблдон
![](https://makfax.com.mk/wp-content/uploads/2024/07/NOVAKKKKK.jpg)
Stefan Djokovic imitating dad's smash is too cute ☺️#Wimbledon | @DjokerNole pic.twitter.com/TuIDJelNcQ
— Wimbledon (@Wimbledon) July 6, 2024
Најдобриот српски тенисер Новак Ѓоковиќ со голема поддршка од семејството се пласираше во четвртото коло на Вимблдон.
За време на натпреварот против Алексеј Попирин на трибините беа и неговата сопруга Јелена, синот Стефан и ќерката Тара.
А колку секој поен му значеше на неговиот син, со кој Новак повремено тренира и се загрева, покажа четвртиот сет од мечот кој заврши 4:6, 6:3, 6:4, 7:6 (3).
Се играше тај-брејк кога Новак сервираше за 3:2 и тоа одлично го направи. Доволно за Попирин да ја врати топката веднаш преку мрежата.
А потоа Стефан го привлече вниманието на британската јавност и организаторите на Вимблдон.
Тој покажа како татко му ја удира топката, имитирајќи го Новак кон крајот на еден не толку лесен натпревар. Следен противник на Ѓоковиќ ќе биде Холгер Руне, кој во пет сета го совлада Квентин Халис.
Спорт
Кошаркарите на Бразил го потврдија пласманот на Олимписките игри
![](https://makfax.com.mk/wp-content/uploads/2024/07/kaboklo.jpg)
Кошаркарите на Бразил ја совладаа Летонија со 94:69 во финалето од квалификациите за Олимписките игри.
Со овој триумф избраниците на Александар Петровиќ обезбедија учество на турнирот во Париз.
Бразил на Олимпијадата ќе биде во групата Б со Франција, Германија и Јапонија.
Бруно Кабокло го предводеше бразилскиот тим до победата со 21 поен и четири скока, Лео Мејндл имаше поен помалку и осум скока.
Жоргињо Де Паула со 14, Марселињо Хуертас и Гуи Сантос постигнаа по 12 поени. Јаго дос Сантос за нешто повеќе од седум минути на паркетот постигна три поени и две асистенции.
Во литванскиот тим се истакнаа Рихардс Ломаш со 15 поени и пет скока, Роланд Смитс со 14 поени, исто колку и Артурс Жагарс.
Кошаркарскиот натпревар на Олимписките игри ќе се одржи од 27 јули до 10 август.