Спорт
ПСЖ ќе ги отпуштат Почетино и Леонардо во следните неколку дена
Пари Сен-Жермен ги комплетираат плановите за големи промени во тимот, отпуштајќи го тренерот Маурисио Почетино и потврдувјќи ја смената на спортскиот директор Леонардо, на чие место речиси сигурно ќе пристигне Луис Кампос, тврдат француските медиуми.
Почетино има договор со францускиот шампион до крајот на следната сезона, но шпекулациите околу неговата иднина се постојани, посебно по разочарувачката елиминација од Лигата на шампионите од Реал Мадрид. Според познатиот експерт за трансфери, Фабрицио Романо, се чека на враќањето на претседателот Насер Ал-Хелаифи во Париз за да се потврат големите промени.
Почетино пред неколку дена изјави дека е мотивиран за новата сезона и дека ги дели амбициите на клубот. Во исто време постоеја шпекулации дека Килијан Мбапе, по одлуката да остане во ПСЖ со богат договор, има огромно влијание во тимот и дека тој лично побарал заминување на Почетино и на Леонардо, но и на повеќе фудбалери од тимот, вклучувајќи го и Нејмар. 23-годишниот Французин ја демантираше оваа вест велејќи дека се работи за „лажни вести“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) При резултат 5:1, во 92.минута Тонали намерно добил жолт картон?
Фудбалската асоцијација на Англија (ФА) покрена дисциплинска постапка против играчот на Њукасл, Сандро Тонали (23), поради наводни прекршувања на обложувањето по неговата преселба во Премиер лигата.
За потсетување, италијанскиот играч од средниот ред веќе одлежува 10-месечна суспензија откако Италијанската фудбалска федерација (ФИГЦ) го казни минатиот октомври поради прекршување на правилата за обложување додека беше играч на Милан.
Тонали призна дека ги прекршил правилата за коцкање во својата земја, се обложувал од 2020 до 2023 година на нелегални платформи, а неговата суспензија трае до 27 август.
Сега постапка против него покрена и ФА откако 50 пати ги прекршил правилата, обложувајќи се на фудбалски натпревари помеѓу 12 август и 12 октомври 2023 година.
Откако беше објавено дека Тонали е под истрага и од Англија, се појави видео од натпреварот Њукасл-Астон Вила на 12 август, кога тој дебитираше за „страчките“.
Тонали, беше заменет во 92.минута, а бидејќи бавно ги напушташе теренот доби жолт каротн. Инаку во тој момент Њукасл имаше предност 5:1.
— Goncalodias2 (@goncalovideoss) October 17, 2023
Многумина веруваат дека Тонали точно знаел што прави во оваа ситуација и дека намерно добил жолт картон, бидејќи се обложил. Италијанскиот играч за врска има рок до 5 април да одговори на обвинувањата на ФА.
Тонали во јули минатата година од Милан се пресели во Њукасл за 70 милиони евра, што го прави најскапиот италијански играч во историјата.
Спорт
(Видео) Богдановиќ и Мареј ги срушија Бостон Селтикс
Атланта Хокс по едно продолжение ги победија Бостон Селтикс со 123:122. Богдан Богдановиќ и Дежонте Мареј му пресудија на лидерот во НБА лигата. Првиот погоди два пати во финишот на регуларниот дел, а вториот ги постигна сите поени за Атланта во продолжението.
Атланта Хокс ја забележаа четвртата последователна победа во НБА лигата, а капитенот на српската репрезентација, со две последователни тројки им овозможи на домаќините продолженијата.
Богдановиќ за 43 минути игра имаше 24 поени (9/19 од поле, 2/8 за три, 4/4 од поле), седум скока и пет асистенции.
Атланта до победата ја предводеше Дежонте Мареј со рекорд во кариерата од 44 поени, за што му беа потребни дури 44 шута кон кошот на Бостон.
Тој ги постигна поените за победа на 0,1 секунда пред крајот на продолжението. Мареј беше единствениот играч на Хокс кој постигна поени во продолжението.
Тој имаше и седум скока, седум асистенции и две украдени топки. Коби Брајант и Расел Вестбрук се единствените играчи кои имаат повеќе шутеви од игра од Мареј во последните 20 сезони.
Брајант имаше шест натпревари со најмалку 44 шута. Толку такви настапи имаше Рик Бери, а четири Елгин Бејлор. Апсолутен рекордер е Вилт Чембрлен со дури 58 натпревари. За илустрација Мајкл Џордан само еднаш во кариерата на еден натпревар 44 пати шутирал кон кошот на противникот.
Инаку, Мареј имаше повеќе шутеви на овој натпревар отколку првите ѕвезди на Селтикс Џејсон Тејтум (22) и Џејлен Браун (17) заедно.
Кај Хокс уште се истакнаа и Деандре Хантер со 21 поен и 13 скока и Клинт Капела, кој додаде 12 поени и 13 скока.
Во тимот на Бостон Џејсон Тејтум постигна 31 поен со 13 скока и пет асистенции, Дерик Вајт додаде 22 поени, седум скока и пет асистенции, а Кристапс Порзингис имаше 20 поени и седум скока.
Бостон е најдобриот тим во НБА со 57 победи и 16 порази и го обезбеди првото место пред плеј-офот во Источната конференција.
Со 34 победи и 39 порази, Атланта е на 10. место кое води во плеј-ин.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.