Спорт
ПСЖ ќе има рекордна загуба од 370 милиони евра за сезоната 2021/22!
Францускиот спортски весник „Л’Екип“ тврди дека Пари Сен-Жермен ќе пријави загуба од апсолутно фантастични 370 милиони евра за минатата сезона (2021/22), предизвикани од пристигнувањето на Серхио Рамос и Лионел Меси, како и од новиот максимален договор кој го доби Килијан Мбапе, информација која повторно ќе го стави францускиот гигант под лупа на критичарите кои сметаат дека клубот ги прекршува сите правила за финансиски ферплеј и во исто време го „купува“ својот успех за висока цен.
23-годишниот Мбапе потпиша нов тригодишен договор со ПСЖ, откако клубот успеа да го убеди да не прави трансфер во Реал Мадрид, нешто што ќе го чини ПСЖ ако се верува на француските медиуми 520 милиони евра во следниот период. Покрај, ова на „Паркот на принцовите“ минатата сезона пристигнаа и Меси, Рамос, Џанлуиџи Донарума, Жоржињо Вајналдум, Ашраф Хакими и Нуно Мендеш, сите со огромни плати, а клубот не успеа да продаде дел од фудбалерите кои се сметаа како „вишок“.
„Л’Екип“ исто така додава дека клубот имал и рекордни приходи од 650 милиони евра, но и дека платиле казна од 10 милиони евра на УЕФА поради тоа што биле во загуба. Инаку, и во текот на летото ПСЖ беше активен на пазарот на играчи, носејќи ги Ренато Санчз, Карлос Солер, Фабијан Руиз, Витиња и Норди Мукиеле, но нивните трансфери не се вклучени во годишниот извештај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шампионската титула на Реал ќе му биде врачена зад затворени врати
Фудбалскиот сојуз на Шпанија не го прифати барањето на реал Мадрид, 36.шампионска титула да им биде врачена по натпреварот со Алавес на 14.мај.
Реал, во саботата, математички ја обезбеди шампионската титула во Шпанија. Планот на Фудбалскиот сојуз на Шпанија беше трофејот на „кралскиот клуб“ да му биде врачен во сабота во Гранада.
Овој предлог Реал го одби од почит кон противникот. Одбија да слават на теренот на тимот кој испаѓа од Примера.
Поради тоа Флорентино Перез побара титулата на играчите да им биде врачена на 14.мај кога на „Сантијаго Бернабеу“ ќе гостува Алавес. Овој предлог Фудбалскиот сојуз на Шпанија го одби и најави дека трофејот ќе биде врачен во 12 мај наутро во тренинг центарот на Реал во Валдебебас, зад затворени врати.
Федерацијата го извести Реал Мадрид да ги извести играчите дека треба да бидат во Валдебебас во недела наутро, бидејќи планот е церемонијата да се во 9:30 часот, а на доделувањето на трофејот нема да присуствуваат навивачите.
Трофејот ќе го врачи претседателот на шпанската фудбалска федерација Педро Роча.
Спорт
(Видео) Ова е совршено изведен пенал
Многумина тврдат дека ова е најдобро изведениот пенал во историјата на фудбалот.
Често велат дека пеналите се лотарија и не постои перфектно изведен пенал. Сепак, за шутирање од белата точка е потребен и тренинг, а не само талент. И ако ги комбинирате двете, тој пенал навистина може да биде совршен.
Во шпанската Сегунда на четири кола пред крајот се води голема борба за пласман во Ла Лига. Во моментов водат Леганес и Ваљадолид со по 67 бодови, а зад нив е Еибар со 64 бодови.
Токму Еибар, викендов славеше со убедливи 5:0 против Аморебиета, а мечот го одбележа пеналот на Агер Акече.
Otro ángulo del gol de Aketxe. #SDEibar pic.twitter.com/n40j2V88t5
— El Milagro de Valencia (@EibarXtra) May 6, 2024
Спорт
Просинечки ги издвои најдобрите од поранешна Југославија, не го спомна Модриќ
Роберт Просинечки (55) пред три месеци стана селектор на црногорската фудбалска репрезентација. Откако ги победи Белорусија и Македонија во првите пријателски натпревари, тој одговараше на прашања за социјалните мрежи на Фудбалскиот сојуз на Црна Гора.
Најинтересен е одговорот на прашањето кое Црногорците го нарекоа ултимативно: Кој е најдобриот екс-ју фудбалер на сите времиња?
„Тешко ми е да го кажам. Знаете, ако кажам Дејо Савиќевиќ, тогаш ќе кажат дека тој е мојот претседател. Имаше многу добри играчи на овие простори, секој од нив обележа еден период. Ги имаше многу, за никој да не се налути или да помисли нешто. Имаше неверојатен број на одлични играчи од генерацијата на Хрватска, а да не зборуваме за играчите кои направија неверојатни кариери, играа во најголемите клубови толку години, па тешко ми е да кажам кој е најдобриот, но еден од нив е Шукер, па Шукер, Бобан потоа Папе Сушиќ. Ова го кажав на брзина. Тоа беа играчите кои го обележаа фудбалот не само во Хрватска туку и во поранешна Југославија.”
Интересно, Просинечки не го ни спомна Лука Модриќ, единствениот добитник на Златна топка од просторот на поранешниот југ и најтрофејниот фудбалер во историјата на Реал.