Борусија Дортмунд, синоќа загуби од Барселона (2:3) и остана без централниот дефанзивец Нико Шлотербек. Претходниот викенд се повреди и Никлас Силе, што значи дека Борусија остана без централни дефанзивци.

Германскиот репрезентативец беше изнесен од теренот буквално во последните секунди од натпреварот против Барселона.

Станува збор за повреда на зглобот. Шлотербек незгодно се приземји откако се обиде со глава да го загрози голот на противникот.

„Ја чекаме официјалната дијагноза, но според она што го видовме, воопшто не изгледа добро“, изјави Нури Шахин, тренерот на Борусија.

Уште порано се повреди Никлас Силе кој ќе биде надвор од терените неколку месеци. Сахин не може да смета ниту на Антон, кој летото пристигна од Штутгарт, па е принуден да го стави Емре Џан во централниот дел од одбраната.

Дортмунд во недела од 17:30 часот одигра натпревар од Бундес лигата против Хофенхајм.

Дарко Панчев, легенда на македонскиот фудбал и Црвена звезда, за „Спорт клуб“ ги коментираше случувањата на натпреварот Милан-Црвена звезда (2:1), во шестото коло во Лигата на шампионите.

Милан на „Сан Сиро“, победи со сомнителен гол во 87.минута. ВАР ја прегледуваше ситуацијата, поточно дуелот меѓу Габија и Спајиќ, на крајот пресуди дека играчот на Милан на направил фаул во напад.

На голот му претходеше корнер што го доби Милан, кој исто така е спорен бидејќи судијата Хил манзано не го виде очигкедниот фаул (влечење за дрес) на Ејбрахам врз Џига.

„Правдата замина по својот пат“, вели Панчев и дополнува.

„Да се случеше ова во шеснаесетникот на италијанскиот претставник во финишот на натпреварот, сигурно ќе беше досуден прекршок, ВАР немаше да се вклучи. Толку од искреноста. Така, лицемерието кое Западот го покажува кон клубовите од истокот доби нова потврда и нова димензија, играчот на Милан го турна ривалот од Звезда… Играв фудбал, знам што е дуел, знам и што е фаул е. Каков срам!“

Четворица тренери ја предводеа Рома во 2024 година, а по завршувањето на сезоната на клупата ќе седне нов тренер.

По Жозе Мурињо, Даниеле Де Роси, Иван Јуриќ и сега Клаудио Раниери, клубот бара решение за наредната сезона. Токму поради изборот на новиот тренер Раниери и дојде во клубот.

Откако клубот го презеде американскиот претприемач и филмски продуцент Ден Фридкин во 2020 година, структурата на клубот е во целосен хаос. Не е јасно кој што работи во клубот. Многу промени имаше не само на тренерската позиција, туку и на разни други позиции во клубот.

Рома е најлошо управуваниот клуб во Европа, а поради љубовта кон неа, Раниери реши да ги прекине пензионерските денови за да му помогне на клубот кој секогаш му „лежел на срцето“.

Тој ќе ја извршува тренерската работа до крајот на сезоната, а во наредната Рома ќе има нов тренер на клупата. Тоа го потврди и самиот 73-годишен стручњак, автор на едно од најголемите сензации во Премиер лигата и во современиот фудбал, кога во сезоната 2015/16 го предводеше Лестер Сити до титулата.

„Бараме добар тренер. Тоа е тоа. Ќе се обидеме да не погрешиме во нашата селекција“, потврди тој.