Фото/ EPA-EFE/GEORGI LICOVSKI

Фудбалската репрезентација на Македонија, во дрматична завршница не успеа да го победи Велс, во квалификациите за пласман на Светското првенство. Во Ј групата натпреварот во Скопје заврши 1:1 (0:0).

Македонија во овој прозорец освои четири бода, по очекуваната победа над Лихтеншѕајн (3:0) во саботата, вечерва во Скопје одигра нерешено со Велс.

Бојан Миовски во 91.минута во екстаза ги фрли навивачите на Националната арена „Тодор Проески“. Напаѓачот на Џирона го искористи подарокот на искусниот Џо Ален кој лошо одигра една повратна топка, а Миовски реагираше на прва и низ нозете на Дарлоу ја испрати топката во голот.

!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);

Rumble(“play”, {“video”:”v6ozldq”,”div”:”rumble_v6ozldq”});

Сепак, избраниицте на Благоја Милевски не успеаја да ја задржат предноста. На истекот на 96.минута, Брукс ја искристи лошата поставеност во одбраната и неколкуте грешки на нашите фудбалери и го совлада Димитиревски.

Столе Димитиревски прими гол по 711 минути, откако претходно шест натпревари остана несовлдан.

!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);

Rumble(“play”, {“video”:”v6ozl6i”,”div”:”rumble_v6ozl6i”});

Што се однесува до самиот натпревар, Велс ја контролираше играта. Имаа играчите на Крег Белами неколку обиди, но без сериозна закана по голот на Димитиревски.

Македонија првиот шут во рамките на голот го имаше во 65.минута, кога Дарлоубрилијантно го одбрани ударот на Чурлинов. Неколку минути подоцна по центаршутот на Томас, Џонсон шутираше, а Муслиу интервенираше од гол линијата.

Македонија квалификациите ќе ги продолжи во јуни, со дуелите против Белгија во Скопје и Казахстан во Астана.

Норвешкиот атлетичар Јакоб Ингебригтсен, двократен олимписки шампион и светски рекордер на 1500 метри, сведочеше пред судот во Санднес на судскиот процес против неговиот татко и поранешен тренер Герт Ингебригтсен, кој се соочува со обвиненија за физичко и психичко малтретирање. Јакоб во своето сведочење опиша детство обележано со страв и манипулации, нагласувајќи дека пораснал во атмосфера на целосна контрола.

„Пораснав во страв. Сè ми беше однапред одредено, и се чувствував како да немам збор”, изјави 24-годишниот спортист пред судот. Герт Ингебритсен, кој ги тренираше Јакоб и неговите браќа Филип и Хенрик до 2022 година, е обвинет за долгогодишно малтретирање кое вклучува наводни физички напади врз Јакоб и неговата помлада сестра Ингрид.

Според обвинението, инцидентите се случиле во периодот од 2008 до 2022 година и вклучувале тупаници, шамари и вербални закани. За време на неговото сведочење, Јакоб наведе конкретни случаи на насилство, вклучително и ситуација од детството кога неговиот татко го удрил откако добил негативни повратни информации од училиштето.

„Не знам точно колку пати ме удрише, но додека седев таму, ми изгледаше како многу долго. Некаде помеѓу 10 и 20 пати, а јас само се обидував да се заштитам“, се присетува тој на една случка.

Запрашан зошто престанал да го нарекува татко му „тато“ кога имал околу 11 години, Јакоб рече: „Веќе не ја гледав таа личност како татко. Мислев дека работите што ги кажа, работите што ги правеше и правеше не беа достојни за татко“.

Одбраната на Герт Ингебригтсен тврди дека обвинувањата се неосновани и дека правилата што важеле во семејството се резултат на високите стандарди потребни за постигнување врвни спортски резултати.

Неговата адвокатка Хајди Реисванг истакна дека документарната серија „Тим Ингебригсен“, која го следела семејството пет сезони, не покажала докази за злоупотреба.

Јакоб, кој минатиот викенд се врати од Кина со два златни медали од Светското првенство во сала, нагласи дека му било тешко да зборува за овие искуства, но дека тоа го прави за вистината да излезе на виделина.

Судењето ќе трае до 16 мај, а на Герт му се заканува казна затвор до шест години доколку биде прогласен за виновен. Следниот сведок ќе биде сестрата на Јакоб, Ингрид, која ќе ги сподели сопствените искуства за нејзиниот татко како авторитарен и агресивен родител.

Овој случај привлече големо внимание на јавноста во Норвешка и пошироко, бидејќи семејството Ингебригтсен ужива статус на национални спортски икони. Интересот за судењето беше толку голем што сведочењето на Ингебригтсен го следеле во живо речиси 200.000 луѓе на „VG“.

Фенербахче и Париз, вечерва во Истанбул одиграа спектакуларен ме, еден од најдобрите оваа сезона во Евролигата. Фенер победи со 101:100, со тројката на најџел Хејс-Дејвис со звукот на сирената, откако претходно на 2,5 секунди до крајот Ти Џеј Шортс му донесе предност на Париз.

Париз одигра брилијантни три четвртини кај фаворизираниот противник. Тимот на Тиаго Сплитер во првите 30 минути погоди девет тројки од 16 обиди, водеше и со 15 поени разлика, а во последниот период влезе со предност од 13 поени.

Во решевачката четвртина Фенербахче одигра спектакуларна одбрана во првите речиси седум минути, на играчите на Париз им дозволија само два поени од линијата за слобидни фрлања.

Драмата ја режираше Хејс-Дејвис кој до 34.минута постигна само пет поени. Американецт постигна 11 поени по ред и му донесе предност на фенер 91:88. Дејвис кој шутираше тројки 0/6, во последната четвртина ги погоди трите шута за три поени. Париз одговори на ист начин со серија од осум поени.

Во драматичната завршница, Шортс погоди на 2,5 секунди до крајот за Париз, за 98:100, но Дејвис со звукит на сирената на Фенер му ја донесе 21.победа оваа сезона.

.@NIGEL_HAYES to send @FBBasketbol to the playoffs 🤯

What a SHOT! #MotorolaMagicMoment I @Moto I #RivalrySeries pic.twitter.com/65nR3rltKe

— Turkish Airlines EuroLeague (@EuroLeague) March 25, 2025

Најефикасен на натпреварот беше Марко Гудуриќ со 25 поени, но херојот е Најџел Хејс-Дејвис, кој постигна 14 од своите 19 поени во последните минути.

Ерик Мекколум мечот го заврши со 18 поени и пет скока, а двоцифрен кај домашниот тим беше и Тарик Биберовиќ со 14 поени и четири асистенции.

Кај Париз се истакна Ти Џеј Шортс со 19 поени и 10 асистенции, а идентичен поентерски учинок имаше и Надир Хифи.