Спорт
Пујол и Рамос му дадоа поддршка на Пике: Не можат да ти ја одземат среќата
Неочекуваното пензионирање на Жерар Пике се уште е ударна вест во шпанските медиуми. Неговите долгогодишни партнери во одбраната Серхио Рамос и Карлес Пујол не останаа имуни на шокантната вест.
По речиси 800 одиграни натпревари и 15 сезони на врвно ниво, Пике се простува од фудбалот неколку месеци пред да го прослави својот 36. роденден.
Она што многумина ги изненади е неговиот потег да се збогува среде сезона. Натпреварот против Алмерија ќе биде последен меч во неговата кариера, а тој ќе се збогува од својата публика на „Камп Ноу“ онака како што сонувал.
„Марка“ ги наведе причините за оваа шокантна одлука. Се наведува дека имало спортска, но и неспортска причина. Формата му падна целосно, Чави му даде епизодна улога и беше последен избор на позицијата стопер.
Поради прекинот со Шакира надвор од теренот, Пике има компликувана животна ситуација во моментот. Сепак, најмногу го погоди тоа што Барселона сакаше тој да си замине од клубот и не можеше да го поднесе тој притисок.
Пике воопшто не се чувствувал заштитен по оркестрираната кампања против него, особено по натпреварот против Интер во Лигата на шампионите. Дури и некои членови на раководството му приговарале дека платата е товар за клубот и дека ситуацијата ќе се нормализира со неговото заминување.
На крајот се одлучи на потег кој многу го очекуваа, се збогуваше и со Барселона и со фудбалот затоа што повеќе не сакаше да живее во нервоза.
Некои информации велат дека Барселона со заминувањето на Пике ќе може да заштеди дури 50 милиони евра, што секако ќе биде големо олеснување за буџетот.
„Ти благодарам за се Гери. Во шок сум. Не беа фер кон тебе, само неколку го бранеа дресот на Барселона како тебе. Беше привилегија да играм со тебе, те сакам”, објави Пујол.
Се огласи и Рамос со кого Пике имаше многу недоразбирања во минатото, но се покажа дека имаат многу фер однос.
„Гери, ќе ти кажам на андалузиски: Не можат да ти ја одземат среќата. Уживај во животот“, гласеше пораката на дефанзивецот на ПСЖ.
Пике во неколку наврати во минатото изјави дека еден ден ќе биде претседател на Барселона, па за неколку години е за очекување да се врати на „Камп Ноу“, но во сосема поинаква улога.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Алушовски го презеде Еурофарм Пелистер
Еурофарм Пелистер има нов тренер. На местото на Рубе Гарабаја, екипата до крајот на сеозната ќе ја предводи, поранешниот играч на овој клуб, Стевче Алушовски.
„Нашиот нов почеток во 2026 година е поврзан со добро познато име. Стевче Алушoвски е нов тренер на Еурофарм Пелистер и ќе ја води нашата екипа до крајот на оваа сезона. 53-годишниот тренер по неколку години се враќа во својот матичен клуб, во улога на тренер на шампионот на Македонија. Алушoвски во два наврати водеше клуб од Битола – Пелистер и Еурофарм Работник, а сега го презема тимот на Еурофарм Пелистер.
Нашиот прославен репрезентативец тренерската, како и играчката кариера, ја започна во Битола. Во мак-ракометот ги водеше Вардар 1961 и Охрид, а кратко работеше и во Исланд“. објави клубот на социјалните мрежи.
Новиот тренер првиот собир го закажа за в среда (14 јануари) во 17:00 часот.
Izvor/ facebook.com/hceurofarmpelister
Спорт
Раониќ официјално замина во пензија
Канадскиот тенисер Милош Раониќ (35) одлучи да ја заврши кариерата.
Раониќ, освои осум титули од турнири од пониски категории. Играше во финалето на Вимблдон во 2016 година, а се бореше за титулите на Мастерс турнирите во Синсинати, Индијан Велс, Париз и Торонто.
„Дојде моментот… Се повлекувам од тенисот. Ова е моментот за кој знаете дека еден ден ќе дојде, но некако никогаш не се чувствувате целосно подготвени за него. Тенисот ми беше љубов и опсесија поголемиот дел од мојот живот“, напиша Раониќ.
Негова најдобра година беше 2016 година. Покрај финалето на Вимблдон, каде во полуфиналето беше подобар од Роџер Федерер, тој играше и во полуфиналето на Отвореното првенство на Австралија и на Завршниот Мастерс, финалето на Индијан Велс и ја заврши годината на третото место.
„Мамо, тато, Јелена и Момир, вечно ви сум благодарен што во многу моменти ги ставивте вашите животи настрана за да имам можност да го остварам мојот сон. Ова стана реалност само благодарение на вас. Ништо од ова не би било можно без вашиот постојан напор и емоционалната поддршка што ја вложивте во моите соништа. Колку и да сум среќен што го пронајдов тенисот, тоа бледее во споредба со тоа колку сум среќен што ве имам вас како мои родители, сестра и брат. Се надевам дека ќе ги правам мојата сопруга и син горди секој ден и дека ќе можам да бидам семејство за нив, како што бевте вие за мене“, додаде тој, меѓу другото.
Последен пат играше на Олимписките игри во 2024 година во Париз, каде што загуби од Доминик Кепфер во првото коло.
Спорт
Ѓорческа успешно стартуваше во квалификациите за АО
Најдобрата македонска тенисерка, Лина Ѓорческа, успешно стартуваше во квалификациите за пласман на Австралија опен, првиот гренд слем турнир во сезоната.
Ѓорческа, во првата рунда, ја победи 100 места подобро пласираната, Сиња Краус од Австрија.
За 62 минути, Ѓорческа победи со 2:0 (7:5, 6:0).
Мечот беше рамноправен до 5:5 во првиот сет, Ѓорческа во 12-от гем направи брејк го освои сетот, а потоа во вториот ја збриша својата противничка.
Ѓорческа во второто коло ќе игра против Тамара Зиданшек (151 на ВТА листата) од Словенија.
Foto/ facebook.com/linagjorcheska/

