Спорт
Работнички ја зголеми предноста на врвот, кикс на Шкендија, дебакл на Струга

Единствениот непоразен тим во Првата македонска фудбалска лига, Работнички го искористи киксот на Шкедија и со победата над Гостивар се одлепи на челната позиција на табелата.
Работнички минимално го совлада Гостивар во Скопје со 1:0. Шестата победа, во десеттиот меч сезонава, на Рабптнички му ја донесе Мазари со голот постигнат во 15.минута.
Во исто време Шкендија како гостин одигра 0:0 со Тиквеш.
Вардар ја продолжи серијата порази. Црвено-црните против Беса го запишаа четвртиот пораз во низа. Есати погоди за Беса во 10.минута, изедначи Омерагиќ во 73., а четири минути подоцна Фетаи ги постави конечните 2:1.
Актуелниот шампион Струга, во финишот на натпреварт, во последните 10 минути доживеа дебакл во дуелот со Силекс. До 93.минута резултатот беше 1:1, потоа во интервал од осум минути играчите на Силекс постигнаа три гола.
Резултати, 10. Кокол:
Работнички-Гостивар 1:0
Тиквеш-Шкендија 0:0
Струга-Силекс 1:4
Беса-Вардар 2:1
Брера-Воска спорт 1:1
Пелистер-Шкупи 0:0
Табела:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Амори: Не ја разбирам оваа еуфорија

Менаџерот на Манчестер Јунајтед, Рубен Аморим, по големиот триумф на неговиот тим (0:3) над Атлетик Билбао во првиот натпревар од полуфиналето на Лигата на Европа, се обува да ја смири еуфоријата што владее меѓу играчите и навивачите.
Тој им рече на новинарите дека не смее да им дозволи на играчите да мислат дека веќе обезбедиле место во финалето бидејќи една лоша ситуација во реваншот може целосно да го промени текот на настаните.
„Ништо не е завршено. Не ја разбирам оваа еуфорија додека не обезбедиме место во финалето. Едноставно не можеме повеќе да си дозволиме тоа“, рече Аморим, а потоа продолжи:
„Она што го направивме вечерва, постигнавме три гола, тие можат да го сторат истото во реваншот на „Олд Трафорд“, а потоа ситуацијата се одвива во сосема поинаков тек. Може да се случи еден старт, жолт картон, исклучување или продолженија. Тоа се сите реални ситуации во фудбалот, ако се опуштите.“
Реваншот Јунајтед и Атлетик ќе го одиграат на 8.мај во Манчестер. Втората полуфинална двоја е Тотенхем-Бодо/Глимт. Англискиот тим вчера го доби првиот меч со 3:1.
Спорт
Англија ќе има шест претставници во Лигата на шампионите

Англиската Премиер лига, заедно со шпанската Ла Лига, обезбедија пет места во Лигата на шампионите за сезоната 2025/26 поради најдобриот коефициент на УЕФА.
Во новиот систем на натпреварување, откако Лигата на шампионите беше проширена од 32 на 36 клуба, две дополнителни места секоја сезона одат во лигите со најдобар коефициент.
Минатата година, Болоња и Борусија Дортмунд профитираа од ова правило, и како петти во Серија А и Бундеслигата, добија директен премин во елитата.
Сега англиската и шпанската лига добија право на пет претставници, а како што стојат работите, Англија ќе има дури шест во Лигата на шампионите следната сезона.
Познато е дека победникот од Лигата на Европа оди директно во Лигата на шампионите, а би морало да се случи вистинско чудо за да не се сретнат Манчестер Јунајтед и Тотенхем во финалето на тоа натпреварување.
Јунајтед го победи Атлетик со 3:0 во првиот натпревар од полуфиналето синоќа во Билбао, додека Тотенхем го победи Боде/Глимт со 3:1 во Лондон. Реваншите ќе се играат следниот четврток.
Во Премиер лигата, Манчестер Јунајтед е 14-ти на табелата, додека Тотенхем е на 16-та позиција и јасно е дека не можат да ја завршат сезоната во првите пет екипи, па тоа ѝ отвора пат на Англија да испише историја со шест клуба во Лигата на шампионите.
Финалето на Лигата на Европа ќе се игра на 21 мај во Билбао.
Спорт
(Видео) Брансон со тројка го реши Детроит Пистонс

Кошаркарите на Њујорк Никс, трет пат во плеј-офот славеа во Детроит и со 4:2 ја добија серијата против Пистонс. Изминатата ноќ, благодарение на Џејлен Брансон, Никс победија со 116:113.
Најдобриот кошаркар на Никс оваа сезона со тројка во финишот го реши победникот. .
Никс обезбедија пласман во полуфиналето на конференцијата, каде што нивен ривал ќе биде тимот на Бостон, кој без поголеми проблеми го елиминираше Орландо.
Плејмејкерот на Њујорк постигна 40 поени на овој натпревар, со скромни 3/10 шут за три поени. Покрај тоа, тој запиша седум асистенции и два скока. Во тимот на Никс, Микал Бриџис исто така беше расположен со 25 поени, додека Ануноби имаше 22 поени.
Кејд Канингем повторно се истакна за Детроит, кој во овој случај постигна 23 поени, додека Џејлен Дурен имаше 21 поен, а Малик Бизли имаше еден помалку.