Мајката на израелскиот олимписки шампион Артем Долгопјат тврди дека државата не дозволува тој да се ожени за својата девојка од Белорусија, бидејќи таа не е Еврејка.

Долгопјат, кој е роден во Днипро, Украина, беше двократен национален шампион во земјата каде што е роден, пред да направи „Алија“, еврејскиот термин за преселба во државата Израел, за во Токио да го освои само вториот златен медал во историјата на државата со триумфот во Токио.

Неговата мајка, Ангела Долгопјат, за израелските медиуми призна дека таа не е Еврејка, иако таткото на гимнастичарот е Евреин, што значи дека тој нема да добие дозвола да се ожени во Израел, каде што е дозволен брак само во сопствената религија.

„Артем живее со својата девојка од Белорусија веќе три години, но државата не им дава да склопат во брак“, изјави Ангела Долгопјат за „Ерусалим пост“, посочувајќи дека како многу Израелци тие најверојатно ќе се договорат за цивилен брак надвор од државата.

Гилад Карив, рабинот кој е дел од израелскиот парламент Кнесет, вети дека ќе се обиде да ги смени законите.

„Важно е да се спомене дека правото за брак во сопствената земја не треба да биде поврзано со олимписко злато или со друго остварување. Се работи за основно човеково право. Накратко, шампионот Артем ќе носи медали и ние ќе работиме напорно за правото за избор“, изјави Карив.

Далас маверикс му подготвуваат на словенечкиот ас Лука Дончиќ нов договор вреден 202 милиони долари, тврдат американските медиуми.

Дончиќ во моментов дебитира на Олимпијада, каде што успеа да ја однесе Словенија до четврт-финалето, а по крајот на Игрите, Марк Кјубан ќе се обиде да го продолжи договорот на уште пет сезони.

Дончиќ во моментов добива околу 8 милиони долари по сезона од Далас, така што ова ќе значи дека ќе добива дури четири пати поголема плата. Словенецот беше избран на НБА-драфтот како трет пик од Маверикс. Минатата сезона тој ја заврши со просек од 27.7 поени, 8.6 асистенции и 8 скока по натпревар.

Лионел Меси ги завршил преговорите со Барселона и ќе остане во клубот со нов договор до 2026 година, односно до својата 39. година, но со 50 отсто помала плата, тврди каталонскиот „Спорт“.

Барселона подолго време се обидува да ги среди своите финансии за да може да му даде договор на 34-годишниот Меси по неговото истекување на крајот на јуни, и сега преговорите се завршени, но Барса мора да продолжи со намалувањето на своите обврски за плати за да се осигура почитување на правилата на шпанската Ла лига пред да биде објавен. Сепак, работата според „Спорт“ е завршена по денешниот состанок со таткото и менаџерот на Меси, Хорхе Меси.

Дека изјавите за љубовта кон клубот не се празни, зборува одлуката на Меси да прифати намалување на платата за дури 50 отсто, откако претходно во последните четири години заработи речиси 500 милиони евра. Сега тој ќе зема 300.000 евра помалку секоја недела!

Барселона уште мора да ги намали трошоците за плати, за да може да го регистрира Меси, но и новите засилувања, Мемфис Депај, Серхио Агуеро, Ерик Гарсија и Емерсон Ројал. Се верува дека Барса се обидува да ги намали платите на Жерард Пике, Серхио Бускетс, Жорди Алба и Серхи Роберто за фантастични 40 отсто, а исто така да се продадат и Самуел Умтити, Миралем Пјаниќ и Мартин Брејтвајт.