Спорт
Ракометарите од Бурунди побарале азил во Белгија
![](https://makfax.com.mk/wp-content/uploads/2023/09/34.jpg)
Десет државјани на Бурунди исчезнаа на 9. август во Риека, за време на Светското првенство во ракомет за кадети, на кое се натпреваруваа.
Двајца ракометари на Бурунди кои исчезнаа во Хрватска за време на Светското кадетско првенство во август побарале азил во Белгија, а постои голема можност уште осум државјани на оваа земја да побарале побарале азил во таа земја.
Според хрватската полиција, на 9. август во полициската управа на Приморје-Горски Котар е пријавено исчезнувањето на 10. млади момчиња кои го напуштиле студентскиот центар во Риека, каде престојувале додека траеше Светското кадетско ракометно првенство.
Хрватската полиција наведува дека добила известување од белгиската миграциска служба дека 10 граѓани на Бурунди, малолетници без придружба, побарале азил во Белгија.
Досега е утврдено дека двајца од 10 државјани на Бурунди се ракометни репрезентативци на Бурунди.
„Продолжуваме интензивна соработка со миграциската служба на Белгија со цел да го утврдиме идентитетот на другите граѓани на Бурунди од таа група, со оглед на тоа што постои видлива случајност и постои голема можност останатите осум граѓани на Бурунди да се истите играчи кои доброволно ја напуштил Република Хрватска илегално, а со цел да поднесе барање за азил со секундарна миграција во Белгија“, се наведува во соопштението на хрватската полиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Донамура спречи дебакл на Италија – Шпанците го обезбедија првото место во Б групата
![](https://makfax.com.mk/wp-content/uploads/2024/06/12315238.jpg)
Шпанија ја победи Италија со 1:0 (0:0), во натпревар од Б групата на Европското првенство. Шпанците со овој триумф го обезбедија првото место во групата, додека актуелните европски шампиони ќе мора да се помачат за да се пласираат во нокау фазата.
Натпреварот на стадионот на Шалке во Гелзенкирхен речиси 80 минути беше еднонасочна улица. Шпанците ги надиграа своите противници, Џиџи Донамрума е причината зошто славеа само со 1:0.
Голманот на Италија имаше осум интервенции. од друга страна азурите
воопшто не се заканија кон голот на Симон.
Шпанските фудбалери упатија 20 удари, осум од нов оде аво рамката на голот, додека од трите италијански обиди ниту еден не одеше во голот на Симон.
Победникот го реши автоголот на Калафиори во 55.минута.
Во последното коло Шпанија ќе игра против Албанија, а Италија против Хрватска.
Спорт
(Видео) Англија освои бод против Данска
![](https://makfax.com.mk/wp-content/uploads/2024/06/12314733.jpg)
Репрезентациите на Данска и Англија ремизираа во натпреварот од второто коло од групата Ц на Европското првенство во Германија. Натпреварот во Франкфурт заврши 1:1 (1:1).
Антглија, слично како и против Србија одигра лош натпревар, без јасна идеја во играта, но за разлика од првото коло не успеа да победи.
Хари Кејн го постигна првиот гол на мечот во 18.минита. На голот му претходеше лоша реакција на Кристенсен, Вокер му ја украде топката, нафрли, Сака малку ја допре топката која дојде до Кејн.
Изаедначи Мортен Хјулманд со спектакуларен гол во 34. минута.
Англичаните и понатаму се лидери во групата Ц и имаат четири бода, Данска и Словенија имаат по два бода, а Србија еден.
Англија со нерешениот резултат прптив Данска зачекори во осминафиналето. Во последното коло, во понеделник од 21 часот ќе играат Данска и Србија, односно Англија и Словенија.
Спорт
Мбапе во трка со времето, сака да игра пртив Холандија
![](https://makfax.com.mk/wp-content/uploads/2024/06/3989604-80967789-640-480.jpg)
Килијан Мбапе, најдобриот француски фудбалер и еден од најдобрите играчи во светот, сепак би можел да се најде во тимот на триколорите во второто коло од групата Д против Холандија.
Иако првите информации беа крајно песимистички и француските медиуми пишуваа дека новата ѕвезда на Реал сигурно нема да биде во тимот против Холандија, РМЦ денеска пишува дека Мбапе сака да игра и дека сега е во трка со времето.
Мбапе во понеделникот го повреди носот, во самиот финиш на натпреварот од првото коло од групата Д, во Франција ја совлада Австрија со 1:0.
Ден по средбата со Австрија, Француската фудбалска федерација соопшти дека Мбапе нема да оди на операција за време на ЕП, туку ќе добие заштитна маска и ќе продолжи да игра.
РМЦ, пишува дека Мбапе денеска ќе добие заштитна маска, која би му овозможила да тренира со неа вечерва. Самиот најдобро ќе оцени дали ќе може да игра. РМЦ, додава дека Мбапе, со фластер на носот одработи лесен тренинг во средата. тенираше лесно во средата со завој на носот, но не учествуваше со остатокот од тимот, туку вежбаше сам. Она што ги охрабрува француските навивачи е фактот дека Мбапе сака по секоја цена да биде во тимот во петок навечер.