Спорт
Ракометарите загубија и во Португалија

Ракометната репрезентација на Македонија загуби од Португалија со 32:27 во четвртото коло од квалификациите за ЕП 2024 и ќе мора да бара начин за пласман на големото натпреварување преку селекциите на Луксембург и на Турција кои веќе еднаш ги победи во овој циклуц.
Македонија добро се држеше во првото полувреме, имаше и предност од 10:11 на седум минути пред одморот, но потоа влезе во нервозен финиш и на Португалците им дозволи да направат серија од пет гола, за предност од 15:11.
Мартин Томовски во тој дел од мечот собра четири одбрани, но одличен беше и Капдевиља на голот на Португалија.
Во второто полувреме македонските ракометари влегоа со многу грешки, речиси девет минути не постигнаа гол од игра, а тоа Португалците го искористија да зголемат на 19:11.
До крајот се играше растоварено, со оглед дека победникот веќе беше решен.
Најдобри стрелци кај Португалците беа Итуриза, Мартинс, Фернандеш и Гомеш со по четири постигнати гола, а голманот Капдевиља имаше 15 одбрани.
Во редовите на Македонија, Томовски имаше десет одбрани, а Филип Кузмановски постигна десет гола. Втор најдобар стрелец беше Мартин Серафимов со пет гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Борусија се договори за трансфер на тандемот од Челзи

Борусија Дортмунд договори соработка со двајца фудбалери на Челзи, Арон Анселмињо и Карни Чуквемека.
Исклучително добрата соработка што ја имаат Челзи и Борусија Дортмунд продолжува и ова лето.
Во овој преоден рок, „сините“ го купија Џејми Гитенс од Дортмунд за 56 милиони евра, а сега се подготвени да испратат двајца играчи во спротивна насока.
Арон Анселмињо ќе дојде на позајмица, додека Борусија ќе го купи Карни Чуквемека за 25 милиони евра.
Двајцата играчи треба да бидат официјализирани во понеделник, кога се закажани медицински прегледи.
Чуквемека играше за Борусија минатата сезона и постигна еден гол во 10 натпревари од Бундеслигата. Анселмињо, кој е дефанзивец, ја помина минатата сезона на позајмица во Бока Јуниорс.
Спорт
(Видео) Спектакуларен гол на Ди Марија во дербито на Росарио

Изминатата ноќ се одигра еден од „супер-класиците“ на аргентинскиот фудбал, дербито на Росарио помеѓу Росарио Централ и Њуелс Олд Бојс.
Росарио славеше со 1:0, со голот на легендата Анхел ди Марија во 82-та минута.
Еден од најдобрите аргентински фудбалери на сите времиња, и актуелен победник на Светското првенство, изведе слободен удар на фантастичен начин и го погоди горниот агол од 30 метри.
Тој предизвика „делириум“ на трибините, претежно полни со навивачи на неговиот клуб, и уште еднаш нè потсети колку е голем фудбалски мајстор.
Ди Марија има 37 години, ова лето по богата кариера во Европа се врати во родниот Росарио, од каде што замина во Бенфика во 2007 година како тинејџер, и сè уште има доволно квалитет за да може да решава дерби натпревари.
Спорт
Бонифејс дојде во Милан ги заврши лекарските прегледи и се врати во Леверкузен

Нигерискиот напаѓач Виктор Бонифејс барем засега нема да потпише за Милан.
Иако се чинеше дека сè е завршено откако Милан и Баер Леверкузен се договорија за обештетување, а играчот ги доби посакуваните финансиски услови од италијанскиот клуб, росонерите ќе размислат дали а го птопишат напаѓачот.
За време на лекарските прегледи во Миланело, биле забележани неколку неправилности кај Виктор Бонифејс, што го исплаши медицинскиот тим, Масимилијано Алегри и остатокот од спортскиот сектор, па тие решија да го стопираат трансферот.
Бонифејс се врати во Леверкузен каде ќе чека на конечната одлука на Милан. Тие ја разгледуваат ситуацијата. Постои можност сепак да го потпишат, но сега шансите се намалени.
Миланезите ја следат ситуацијата околу напаѓачот на Спортинг Конрад Хардер, кој е наведен како алтернатива.