Спорт
Рамос одговори на критиките: Немав друг избор
Капитенот на Реал Мадрид, Серхио Рамос, бил изненаден од реакциите по повод неговата изјава дека намерно добил жолт картон на мелот со Ајакс во Лигата на шампионите. Реал првиот осмина-финален меч, одигран во средата во Амстердам, го доби со 2:1. По мечот негативни коментари предизвика изјавата на Рамос, кој веднаш по вториот гол направи фаул за жолт картон.
На новинарско прашање дали знаел дека за стартот ќе добие жолт картон тој рекол:
„Да, но немав избор?“.
Наводно, Рамос, на овој начин ги „исчистил“ картоните за да не го доведе во прашање настапот во четврт-финалето.
УЕФА го истражува случајот и доколку биде докажана намерата тој би можел да добие уште еден меч суспензија.
Откако ја разбрал сериозноста на целата ситуација, што самиот ја предизвика кога рекол дека „го исфорсирал прекршокот“, ја сменил приказната.
„Изненаден сум од приказната. Моите зборови се однесуваа на форсирањето на прекршокот. Фаулот морав да го направам. Не одев со намера да добијам жолт картон. Имаа опасна контра во 88 минута, во ситуација кога се беше отворено. Поради тоа рекол дека би излажал дека не знаев дека ќе бидам казнет“, рекол Рамос.
Реванш натпреварот помеѓу Реал и Ајакас ќе се одигра на 5 март, а УЕФА најавија дека до крајот на месецот ќе донесат одлука дали Рамос ќе добие уште еден меч суспензија.
Рамос го прашал тренерот дали да прави фаул за жолт картон (Видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.