Спорт
Рампата на Батум го поништи трипл-даблот на Дончиќ – Франција избори финале во Токио
Франција ја победи Словенија со 90:89 и ќе се бори за златниот медал на кошаркарскиот турнир во Токио. Трилерот го реши 37-годишниот Николас Батум, кој во последната секунда му удри рампа на Клемент Препелич.
Франција и Словенија одиграа меч достоен за финале на Олимписките игри. Словенците подобро го отворија мечот, дојдоа до предност од осум поени во првиот период (25:17). Французите бргу се вратија и до средина на третата четвртина, имавме резултатска нишалка.
Франција тогаш успеа да се одлепи на девет поени од противникот 67:58. Словенците, со Дончиќ, немаа намера да се откажат. Се вратија во мечот на почетокот на решавачкиот период. Во последната четвртина, Фрацузите водеа, а Словенците константно се обидуваа да ја стигнат разликата.
Можеби клучниот момент на мечот се случи на четири минути до крајот, кога при резултат 78:78, Луваву неправилно го блокираше положувањето на Блажиќ. Словенецот поради протест доби техничка. Де Коло погоди едно слободно фрлање, а потоа погоди и тројка за 82:78.
Во последната минута драмата кулминираше, Луваву погоди тројка за 90:85. Словенците не реализира напад, а Фурние направи лична во напад. Препелиќ еднаш беше прецизен, а откако Словенците се одбранија, Препелич погоди тројка за -1.
Последниот напад на Франција не го реализираше Де Коло, за Словенија останаа 18 секунди, Дончиќ го градеше нападот за Препелич, кој влезе на положување, а од зад грб беше блокиран ветеранот Батум.
Дончич ја предводеше Словенија со трипл-дабл од 16 поени, 18 асистенции и 10 скокови. Мајк Тоби постигна 23 поени на кои придодаде девет скока. Кај Франција се истакнаа Де Коло со 25 и Фурние со 23 поени.
Nic Batum with the block to send France into the gold medal match. WOW. pic.twitter.com/Lilbsu4A5S
— E'Twaun Paramoore (Still Suspended) (@MarcoRomo_) August 5, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.
Спорт
Хулкенберг од наредната сезона во Заубер
Германскиот автомобилист Нико Хулкенберг од 2025 година, ќе има нов работодавец. 36-годишникот ќе вози за тимот на Кик Заубер.
„Среќен сум што возам за Кик Заубер од 2025 година и што во иднина ќе го претставувам германскиот производител на патеките во Ф1“, објави Нико Хулкенберг на социјалните мрежи.
Од 2026 година во Заубер влегува германскиот производител Ауди.
Хулкенберг е член на тимот на Хас во тековната сезона, а неодамна беше објавено дека нема да ја продолжи соработката со американскиот тим.
„Хулк“ дебитираше во Формула 1 во 2010 година како возач на Вилијамс на Големата награда на Бахреин. Во меѓувреме освои една пол-позиција.
Во претходната сезона, Хулкенберг го заврши натпреварувањето на 16. место во генералниот пласман во Ф1 со девет бодови.