Спорт
Рангник: Четири засилувања не се доволни за Манчестер јунајтед
На Манчестер јунајтед му е потребен целосен ремонт ова лето доколку сакаат да се натпреваруваат со ривалите во Премиер лигата, смета преодниот менаџер Ралф Рангник објаснувајќи дека четири засилувања не се доволни да се крене тимот што не освоил лигашка титула од пензионирањето на Алекс Фергусон во 2013.
„Ѓаволите“ се петти на табелата со три поени зад четвртопласираниот Тотенхем пред вечерашното дерби против Ливерпул на „Енфилд“, а Рангник полека се подготвува за почетокот на двегодишната улога како консултант на клубот со Ерик Тен Хаг од Ајакс како постојана замена.
„Фудбалерите треба да го дадат својот максимум, без разлика кој ќе биде следниот менаџер, и ако биде потврден за две-три недели, тоа нема да ја смени ситуацијата во која сме. Секако, важно е да постои стабилност, да почне периодот на ангажирање фудбалери кога ќе се знае кој е менаџер и како сака да игра. Има неколку фудбалери што ги посочив на бордот на клубот, кои се независни од која било формација или стил на игра. Но, во основа нашиот тим треба да биде повторно изграден. Не е доволно да се донесат три-четири нови имиња. Треба повеќе нови фудбалери бидејќи на многумина им завршува договорот. Освен на голманското место, мора да има засилување во сите области“, вели Рангник.
Договорите на Пол Погба, Немања Матиќ, Хуан Мата и на Џеси Лингард завршуваат на крајот на сезоната, неизвесна е иднината на Антони Марсијал, Маркус Рашфорд и на Единсон Кавани, а во одбранатаа не успеа да импресионира ниту Хери Мегваер ниту, пак, Арон ван-Бисака, Виктор Линделоф, Ерик Баји, Лук Шо и Алекс Телес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.