Спорт
Рапсодија на Лејкерси, со +40 го победија Мемфис, Вориорс и Кингс ќе играат мајсторка
Кошаркарите на ЛА Лејкерс изборија место во полуфиналето во плеј-офот, во Западната конференција. Противникот ќе го дознаат по мајсторката која ќе ја одиграат Сакраменто Кингс и Голден стејт Ворирос.
ЛА Лејкерс серијата против Мемфис Грзлис ја добија со резултат 4:2. Во шестиот натпревар, Лејкерси го декласираа противникот со 125:85.
Дианџело Расел беше најефикасен со 31 поен и четири асистенции, Џејмс додаде 22, со пет скока и шест асистенции, додека Дејвис имаше учинок од 16 поени и 14 фатени топки.
Веќе во првата четвртина домашната екипа дојде до двоцифрена предност, а интересно, конечната разлика всушност беше најголема, +40.
Кај Мемфис се истакна Алдама со 16 поени и пет скока, Бејн имаше 15 поени и пет скока, Џексон 14 со четири скока, додека Брукс и Морант постигнаа по 10 поени.
Сакраменто Кингс го вратија брејкот и се изборија за мајсторка против актуелните шампиони, Голден стејт Вориорс. Кингс во Сан Франциско славеа победа 118:99.
Кралевите ги предводеа Монк со 28 поени, седум скока и четири асистенции и Фокс со 26 поени и 11 асистенции.
Мареј додаде 15 поени и 12 скока, Уертер 12, исто колку и Лајлс, кој имаше и девет скока.
Кај Вориорс најефикасен беше Кари со 29 поени, пет асистенции и четири скока, Томпсон постигна 22, а Вигинс 13, со седум скока.
Мајсторката ќе се одигра во Сакраменто во недела од од 21:30 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шек ја одбра идеалната петорка на сите времиња – без Леброн
Шекил О’Нил по завршувањето на кариерата излезе во медиумите, а неговите изјави често ги споделува јавноста.
Шек во интервју за Билд го остави Леброн Џејмс надвор од петте најдобри на сите времиња.
„Мајкл Џордан, Коби Брајант, Џулиус Ирвинг, Карл Мелоун и јас“.
Кога го прашале да го објасни својот избор, Шек одговорил:
„Одредени играчи доминираа во лигата во различни моменти од мојот живот. Како дете, им се восхитував на играчите како Џулиус Ирвинг, Меџик Џонсон, Карим Абдул-Џабар и Лери Бирд“.
За О’Нил нема дилема дека Мајкл Џордан е најдобриот кошаркар на сите времиња.
„Тој го потврди својот статус со достигнувања со кои ретко кој може да се спореди и влијанието што го имаше на оваа игра во текот на неговата кариера“, заклучува О’Нил.
Спорт
ВАДА бара суспензија за Синер
Светската антидопинг агенција (ВАДА) поднесе жалба до Судот за спортска арбитража во Лозана и бара суспензија за Јаник Синер.
Непосредно пред почетокот на УС Опен на крајот на август, беше објавено дека ITIA (International Tennis Integrity Agency) го ослободи Синер, т.е. дека не нашла „нема вина и немарност“ во случајот на два позитивни теста за клостебол во март.
Меѓутоа, ВАДА мисли поинаку и смета дека пресудата не била точна според сегашните правила, како што се наведува во соопштението.
„Ќе побараме суспензија меѓу една и две години. ВАДА не бара поништување на ниту еден резултат“, се вели меѓу другото во соопштението на ВАДА.
Синер, и покрај притисокот од тој допинг скандал, го освои УС Опен, негова втора Грен слем титула, по Австралија Опен исто така оваа година.
Спорт
Солскјер: Не можевме да го пуштиме Роналдо во Сити
Оле Гунар Солскјер призна дека Манчестер Јунајтед направил грешка кога го вратил португалскиот напаѓач Кристијано Роналдо од Јувентус на Олд Трафорд во 2021 година, но откри и дека клубот го направил тоа за да го спречи одличниот стрелец да замине во Манчестер Сити.
Роналдо го отслужи првиот мандат во Јунајтед од 2003 до 2009 година, кога беше продаден на Реал за тогаш рекордна сума од 94 милиони евра. Во втората во првата сезона постигна 24 гола, а потоа во втората по критиките од клубот поради статусот во тимот остана без договор. Прво го менаџира Оле Гунар Солскјер, кој набрзо доби отказ, а по привременото решение на Ралф Рангник, во клубот пристигна и Ерик тен Хаг.
„Тој е еден од најдобрите фудбалери во светот во последните 15 години. Играв со него. Играше за Јунајтед. Тој има историја со овој клуб. Тој го напушта Јувентус и не можеме да му дозволиме да замине во Манчестер Сити. Тој веројатно би постигнал повеќе голови таму, отколку што ќе даде гол денес.
Роналдо за Јунајтед одигра вкупно 346 натпревари со учинок од 145 гола и 64 асистенции. Халанд неодамна го постигна својот 100-ти гол за Сити. Му беа потребни 105 натпревари.