Поранешниот играч и капитен на Баер Леверкузен, Џонатан Та, потпиша за Баерн Минхен.

Германскиот дефанзивец, дојде во Баерн како слободен играч, со Баварците потпиша договор до 2029 година. Тој ќе го носи дресот со број четири.

„Во Џонатан Тау, добивме играч со меѓународно искуство и квалитет, на кого нема да му треба долго време да се етаблира во нашата одбрана. Тој ќе биде добро и важно засилување за нас со своите технички квалитети, како и со своите манири и лидерски способности“, изјави спортскиот директор на Баерн, Кристоф Фројнд.

Та (29) играше за Баер Леверкузен од 2015 година, настапи на вкупно 402 натпревари. Неговиот договор со Баер истече по завршувањето на сезоната 2024/25.

Како играч на Баер, тој беше избран три пати во идеалниот тим на Лига Европа, додека двапати беше член и на најдобриот тим на Бундеслигата.

Одигра вкупно 35 натпревари за германската репрезентација, за која дебитираше во 2016 година.

На денешен ден пред 34 години, фудбалскиот клуб Црвена звезда го освои најзначајниот трофеј во богатата историја. Во финалето на во тогашниот Куп на шампионите, Црвена звезда го совлада Олимпик Марсеј со 5:3 по изведување пенали. Дел од таа шампионска генерација беа Македонците, Дарко Панчев и Илија Најдовски.

Натпреварот се играше во Бари, а бидејќи во регуларните 90 минути немаше голови, се играа продолженија. Во дополнителните 30 минути немаше голови, а потоа „црвено-белите“ победија со 5:3 по изведувањето пенали.

Головите за Звезда од 11 метри ги постигнаа Роберт Просинечки, Драгиша Биниќ, Миодраг Белодедиќ, Синиша Михајловиќ и Дарко Панчев. Голманот Стојановиќ во првата серија го одрани ударот на капитенот на Олимпик Марсеј, Аморос.

Црвена звезда без пораз стигна до најголемиот успех во историјата и со тоа со златни букви влезе во фудбалската историја. Шест месеци подоцна, со изменет тим, Црвена звезда го освои и Интерконтиненталниот куп. Стана светски клупски првак, откако во финалето во Токио го победи Коло-Коло со 3:0.

„Црвено-белите“ го елиминираа Грасхоперс во првото коло од тогашниот Куп на шампионите. Звезда во осминафиналето беше подобра од Глазгов Ренџерс. Ривал на „црвено-белите“ во четвртфиналето беше шампионот на Источна Германија Динамо од Дрезден, а Звезда ги доби двата натпревари. Реваншот во Дрезден со службен резултат, откако беше прекинат при водство на црвено-белите.

Во првиот натпревар од полуфиналето на Лигата на шампионите црвено-белите го совладаа славниот Баерн со 2:1 на гостински терен, а во реваншот во Белград беше 2:2.

Српскиот стручњак Игор Кокошков наскоро би можел да се врати во европската кошарка.

Потврда за наводите што се појавија претходно во сезоната, а во врска со неговото преселување во Истанбул, пристигнува од Италија.

Додека Лука Банки сè уште беше тренер на Анадолу Ефес, беше јасно дека по завршувањето на сезоната тој ќе ја напушти функцијата и тогаш името на Игор Кокошков беше меѓу фаворитите за замена на италијанскиот стручњак.

Наводно, сега е донесена одлука Кокошков да го преземе тимот и со тоа да стане третиот тренер во последната година по Томислав Мијатовиќ.

Тоа би бил негов втор мандат во турската престолнина, бидејќи претходно беше тренер на Фенербахче.

Кокошков започна во КК Београд, работеше во помладите категории на Партизан, а по заминувањето во НБА беше помошник тренер во неколку тимови, како и првиот неамерикански главен тренер кога го презеде Феникс.

Тој беше селектор на Грузија, Србија и Словенија. Со Словенците го оствари најголемиот успех во кариерата кога ја освои европската титула.