Спорт
Расел: Нема да молчам поради глупави правила

Џорџ Расел, возачот на Мерцедес, е уште еден во низата асови од Формула 1, кој силно ја критикуваше одлуката на ФИА да им забрани на возачите да ги изразуваат своите политички ставови.
Британецот е директор на Здружението на возачи на Гран при, а пред него гласот го кренаа Макс Верстапен, Алекс Албон, Серхио Перез, Ландо Норис, Валтери Ботас и Луис Хамилтон.
„Не ми е јасно зошто ФИА го направи ова. Тоа е сосема непотребно за нашиот спорт, како и за моментот во кој живееме. Само знам дека на изразувањето на моите ставови нема да влијаат некои глупави правила. Слободата на говорот е едно од најважните права“, рече Расел, истакнувајќи дека очекува возачите да излезат со заедничка изјава.
„Верувам дека тоа ќе го направиме пред првата трка во Бахреин. Не сакам никакви ограничувања“, изјави Расел.
Шампионатот во Формула 1 започнува на 5. март со трката за Големата награда на Бахреин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сити му нуди нов договор на Родри
Манчестер сити му понуди нов договор на Родри. Освојувачот на Златната топка ја пропушти сезоната поради тешката повреда на лигаментите. Отсуството на Родри се рефлектираше врз резултатите на тимот. Сити не освои ниту еден трофеј и се до три кола пред крајот му висеше пласманот во Лигатана шампионите.
Иако деталите не се познати, а со тоа и точната бројка, речиси е сигурно дека тој би стнал вториот најплатен играч во тимот, веднаш по Ерлинг Халанд. Исто така, познато е дека овој договор би важел до 2029 година.
Минатата сезона Родри одигра само осум натпревари во сите натпреварувања.
Спорт
„Хамилтон треба да побара од Ферари да го исплати и потоа да се пензионира

Берни Еклстоун (94) му порача на Луис Хамилтон веднаш да се повлече од Формула 1 и да побара исплата на целиот договор со Ферари пред „нешто лошо да му се случи“, пишува „Дејли Мејл“.
Остриот совет доаѓа во време кога иднината на Хамилтон е неизвесна по катастрофалната трка за Големата награда на Унгарија минатиот викенд.
Откако се квалификуваше на скромното 12-то место, додека колегата од Ферари, Шарл Леклер, ја освои пол-позицијата, седумкратниот светски шампион се нарече себеси „апсолутно бескорисен“ и предложи Ферари да го замени.
Хамилтон остана зад тие коментари откако заврши на 12-то место во трката, но посочи дека веројатно ќе се врати по кратката летна пауза на Големата награда на Холандија на 31 август.
„Луис е многу талентиран, беше и веројатно сè уште е. Но, како и многу вврвни спортски личности кога ќе стигнат до врвот, има само една насока, и тоа не е добра насока. Се оди надолу“, рече Еклстоун.
„Се заморува. Луис е уморен. Го прави она што го правел отсекогаш. Му треба пауза од тоа, целосно ресетирање, треба да прави нешто сосема друго. Можеби не мисли така, но ќе се навикне да прави други работи надвор од автомобилизмот во пензија. Мислам дека требаше да го направи тоа. Човекот не е измамник. Но, би се измамил себеси ако продолжи. Треба да престане сега“, додаде познатиот Британец.
Хамилтон ја одбработува првата од трите години во Ферари. Пристигна во Маранело од Мерцедес. Инаку според договорот зарабитува 60 милиони фунти годишно.
Но, на 40-годишна возраст, тој се бори да ги повтори успесите од своите помлади денови. Еклстоун, кој го помина викендот тркајќи во Будимпешта, беше јасен.
„Да бев Луис, ќе му кажев на Ферари дека сакам да ми биде исплатен договорот. Го потпишаа затоа што мислеа дека може да ја заврши работата. Не би сакал ништо лошо да му се случи на Луис. Тој не се бори за светската титула и е во фаза од својот живот каде што не би му вредело да помине две години врзан за кревет со скршен грб или нешто друго непријатно. Нема потреба да презема повеќе ризици. Тој освои седум светски титули и тоа е доволно“, заклучи Еклстоун.
Хамилтон моментално е шести во генералниот пласман на возачи.
Foto/ EPA/Boglarka Bodnar
Спорт
Ѕвездите на светскиот пинг понг доаѓаат во Скопје во септември

По 4-ти пат Пинг понгарската федерација го организира светскиот натпревар од серијата World Table Tennis (WTT) и тоа од групата на ѕвездите, односно т.н. Star Contender, што ќе се одржи од 5 до 7 Септември.
Првичните пријави најавуваат многу возбудливи натпревари и дополнително подигнување на нивото на натпреварот на светско ниво. Во машка конкуренција веќе е пријавен 4-от најдобар на светската ранг листа Ли Сјунгсо од Кореа, додека кај жените своето присуство го потврди Хео Јерим исто така од Кореа – втора на светското рангирање.
Ова е трет настан од овој ранг во 2025 година, по одржување на WTT Contender Skopje 2025 во сениорска категорија и Младинските олимписки игри.