Спорт
Расел со исто време како Ферстапен ја освои пол-позицијата во Канада, катастрофа на Ферари
Џорџ Расел, возачот на Мерцедес ја освои пол-позицијата пред трката за Големата награда на Канада. Помладиот од двајцата Британци во Мерцедес до пол-позицијата дојде со време 1:12.000 минути.
Расел на Мерцедес му ја донесе првата пол-позиција од јули минатата година, кога Луис Хамилтон стартуваше прв во Унгарија.
Првиот стартен ред го комплетира актуелниот шампион Макс Ферстапен, кој забележа идентично време како Расел, но Британецот прв го постави својот најбрз круг и затоа стартува на пол-позицијата.
Холанѓанецот е под истрага од дирекцијата на трката бидејќи направил прекршок и „ја игнорирал директивата на стјуардот“ во првиот дел од квалификациите.
Не е прецизирано за што се работи, а се сомнева дека се работи за прекршок што го направил Макс во желба што побрзо да излезе на патеката во втората квалификациска сесија.
Вториот ред на стартот им припадна на возачите на Мекларен, Ландо Норис и Оскар Пјастри. Ландо Норис беше за 0,021 секунда побавен од Расел и Ферстапен.
Зад Мекларен се Даниел Рикиардо во РБ болидот и двократниот шампион Фернандо Алонсо. Топ 10 го комплетираат седумкратниот шампион Луис Хамилтон, Јуки Цунода во вториот РБ, Ленс Строл за Астон Мартин и Алекс Албон од Вилијамс.
Во квалификациите целосно потфрлија возачите на Ферари и вториот возач на Ред Бул, Серхио Перез. Шарл Леклер и Карлос Саинц ќе стартуваат од шестиот ред, а Перез трката ќе ја започне од 16. позиција.
Трката за Големата награда на Канада, в недела ќе започне во 20 часот по средно-европско време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024