Српскиот кошаркарски ас, Богдан Богдановиќ го напушти тимот на Сакраменто Кингс и кариерата ќе ја продолжи во Атланта Хоукс. Во изјава за српските медиуми, тој вели дека информации за Хоукси собира од македонскиот кошаркарски ас, Перо Антиќ кој моментно е претседател на КФМ.

„Моментно барам стан, немав многу време да го прошетам градот. Овде играше еден мој пријател – Перо Антиќ. Зборував со него, игравме заедно во Фенербахче. Беше бесен кога си одеше од Атланта, но беше возбуден кога дојдов тука и верувам дека ќе ми помогне“ вели Богдановиќ.

Србинот смета дека брзо ќе се навикне на средината.

„Јас сум добар играч и сметам дека добро ќе се вклопам. Чувствувам дека моѓам многу да допринесам. Од Сакраменто најмногу ќе ми недостигаат пријателите што ги стекнав во овие 3 сезони“ вели Богдановиќ.

Лигата на шампиони ги понуди некои од најдобрите фудбалски моменти кои се видени некогаш. Од 1992 година ова натпреварување е на сила како продолжение на Европскиот куп.

Постојат рекорди кои и понатаму изгледаат недостижно, а поставени се од 1992 година се до ден ден.

Еве кои се рекордите кои чекаат некој да ги сруши:

– Бафетимби Гомис за само 7 минути постигна хет-трик за Лион против Динамо Загреб. Лион на „Максимир“ во 2011 година победи со 7-1, а Гомис постигна 4 гола на тој меч

– Лео Меси во осминафинале постигна 5 гола, а Барса славеше со 7-1 против Баер Леверкузен. Мечот се одигра во 2012 година

– Екс-голманот на Баерн Минхен, Ханс-Јорг Бут постигна 3 гола во ЛШ, интересно сите против Јувентус, од пенал

– Германскиот голман Јенс Леман од 2005 до 2006 година како голман на Арсенал врза 9 меча без примен гол во ЛШ

– ХЈК Хелсинки во второто претколо во квалификациите за ЛШ во 2011 година со 10:0 го победи Бангор Сити, во двата меча финскиот клуб славеше со вкупни 13:0 против клубот од Велс

– Борусија Дортмунд во групната фаза во 2016 година на домашен терен со 8-4 ја победи Легија Варшава, а тоа е мечот со најмногу голови на еден натпревар во ЛШ

– Екс-италијанскиот голман Марко Балота имаше 43 години и 253 дена кога настапи за Лацио при поразот од Реал Мадрид (3-1) во сезоната 2007/2008. Тоа беше неговиот последен настап во ЛШ и го држи рекордот како најстар фудбалер

– Кристијано Роналдо во сезоната 2013/2014 постигна дури 17 гола во ЛШ, таа сезона стигна до титулата со Реал

– Барселона во сезоната 1994/95 на „Ноу Камп“ играше против ПСЖ, а на трибините имаше рекордни за ЛШ 115.000 гледачи

– Лајвин Курзава во победата на ПСЖ против Андерлехт во 2017 година постигна дури 3 гола и стана дефанзивец со најмногу постигнати голови на еден меч во ЛШ

– Раул во победата на Реал против Ференцварош во 1995 годин постигна хет-трик, а имаше само 18 години и 114 дена. Досега само 5 тинејџери постигнале хет-трик во ЛШ, но никој не бил помлад од легендарниот Шпанец.

Кошаркарот на ЛА Лејкерс, Леброн Џејмс, е уверен дека и новиот, подмладен состав на „езерџиите“, е кадарен да ја одбрани титулата во НБА-лигата.

Лејкерси во новата сезона, која почнува за 20 дена, влегуваат со изменет состав. Ќе ги нема Дени Грин, Двајт Хауард, Ражон Рондо, Џавел Мекги и Квин Кук, но ќе бидат засилени со Денис Шредер, Монтрез Харел и Марк Гасол.

„Тимот е подмладен. Дојдоа Шредер и Харел, тука е и Марк, фантастичен одбранбен играч со неверојатна интелегенција. Мислам дека можеме да го одбраниме прстенот. Можеме тоа да го направиме, но ќе мора да имаме и малку среќа на тој пат. Пред сè, да останеме здрави во текот на целата сезона“, рече Џејмс.

„Езерџиите“ претсезоната ја почнуваат на 11 декември, на стартот два меча против Клиперси, па следува Феникс Санс.

За потсетување, минатата сезона стигнаа до титулата кога во финалето беа подобри со 4-2 во победи од Мајами хит.