Спорт
Расистички навреди за Јанкевиц по црвениот картон на „Олд Трафорд“
Александре Јанкевиц, 19-годишниот играч на Саутемптон нема по добро да го памети дебито во Премиерлигата. Тој синоќа брутално стартуваше врз играчот на Јунајтед, Мектоминај уште во 2-та минута на мечот на „Олд Трафорд“ и заслужено доби директен црвен картон.
Поради тоа, младиот играч добил расистички навреди на социјалните мрежи, па морала дури да се вмеша и полицијата.

„Разговарав со детектив од полицијата од Хемпшир, го истражуваат вознемирувањето на Александер Јанкевиц на расна основа. Им ги испратив сите пораки што ги собрав. Овие луѓе треба да бидат казнети“ изјави англискиот новинар, Алекс Крок.
Just had a call from a senior detective at Hampshire Police. They are investigating the racist abuse aimed at #SaintsFC midfielder Alex Jankewitz. Have sent them the screen shots I have. If anybody has more please DM me. These people need proper punishment.
— Alex Crook ⚽️? (@alex_crook) February 3, 2021
Потоа и на страницата на навивачите на Саутемптон беа споделени дел од таквите пораки.
This needs to stop. @Twitter @instagram
You can't keep allowing people to do this. #SaintsFC https://t.co/b5iXlvHcNI
— Southampton Page (@SouthamptonPage) February 3, 2021
Младиот црномурест фудбалер не е единствениот во последниот период кој е мета на расистички испади.
Претходно мета на расистите беа и тројца играчи на Манчестер Јунајтед, Маркус Рашфорд, Ентони Марсијал и Аксел Туанзебе.
Инаку, по непромислениот старт на Јанкевиц, Саутемптон синоќа го напушти стадионот на „ѓаволите“ со 9 гола во мрежата:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ: Разни „стручњаци“ ме испратија во пензија, им благодарам на тоа
Новак Ѓоковиќ, в недела ќе се бори за 11-та титула на Австралија Опен. Десеткратниот шампион во Мелбурн, во полуфиналето, во спектакуларен меч го победи бранителот на трофејот, Јаник Синер со 3:2 (3:6, 6:3, 4:6, 6:4, 6:4) за четири часа и девет минути игра.
„Никогаш не престанав да верувам во себе. Многу луѓе се сомневаа во мене. Гледам дека одеднаш се појавија многу „стручњаци“ кои сакаа да ме пензионираат или веќе го направија тоа неколку пати во последните години“, рече Ѓоковиќ и додаде:
„Сакам да им се заблагодарам затоа што ми дадоа сила и мотивација да им го докажам спротивното. Ова не е изненадување за мене. Знам на што сум способен“, рече Ѓоковиќ.
Неговиот настап прптив Синер, особено беше импресивен во петтиот сет, кога спаси осум брејк топки. Во текот на мечот Ѓоковиќ спаси 16 од 18-те топки за брејк.
Противник во финалето в недела ќе му биде Карлос Алкараз.
Foto/ depositphotos
Спорт
Заврши сезоната за Џек Грилиш
Џек Грилиш, еден од најдобрите играчи на Евертон ја заврши сезоната.
Како што стојат работите, Грилиш ќе мора да се подложи на операција поради фрактура на стапалото. Со ова паднаа во вода сите надежи дека би можел да добие повик од Томас Тухел за настап на Светското првенство.
Менаџерот на Евертон, Дејвид Мојес, ја потврди веста.
„Веруваме дека на Џек му треба операција. Иако сè уште не е 100 проценти потврдено, повредата веројатно ќе го држи надвор од терените до крајот на сезоната“, рече Мојес.
Откако пристигна на позајмица во Евертон, Грилиш повторно почна да игра како во времето кога беше играч на Астон Вила. Сезонава дресот на Евертон го носи како позајмен играч од Манчестер Сити.
Foto/ depositphotos
Спорт
Данска ќе се бори за европската титула
Данската ракометна репрезентација ќе игра во финалето на Европското првенство против Германија, откако во второто полуфинале во Хернинг го победи Исланд со 31:28 (14:14).
Данците, в недела ќе се борат за третото европско злато, исто како и Германците.
Данска последен пат беше европски шампион во 2012 година во Белград, оттогаш двапати беше во финалето и двапати загуби од Франција (2014 и 2024).
Тимот предводен од Николај Јакобсен од клупата ги освои последните четири светски првенства и е актуелен олимписки шампион.
Во натпреварот против Исланд, Данците го скршија отпорот на својот ривал во второто полувреме, откако првиот дел беше израмнет.
Најдобар стрелец во победничкиот тим беше незапирливиот Матијас Гидсел, најдобриот ракометар во светот, со седум гола од исто толку обиди.
Веднаш зад него по ефикасност беше Јохан Хансен со шест гола (седум шута), додека Симон Питлик постигна пет.
Во поразениот тим, Јанус Даги Смарасон и Ори Фрајр Поркесон беа најдобри со по седум гола. Омар Инги Магнусон постигна шест.
Финалето ќе се одигра во недела од 18 часот, претходно во 15.15 часот ќе се одигра натпреварот за третото место.
Foto/ EPA

