Италијанскиот министер за спорт, Винченцо Спадафора даде зелено светло за рестартирање на Серија А и потврди дека ќе побара од премиерот Џузепе Конте да дозволи враќање на 13 јуни, наместо да се чека до 20 јуни.

Состанокот помеѓу Спадафора, Лега Серија А, асоцијацијата на фудбалери и Италијанската фудбалска федерација (ФИГЦ) се покажа како одлучувачка за враќање на лигата која е паузирана од 9 март поради епидемијата на корона вирусот.

Бидејќи остануваат четири меча од 25. коло (Аталанта-Сасуоло, Интер-Сампдорија, Торино-Парма и Верона-Каљари), тие мечеви прво ќе се одиграат на 13 јуни, по што целото 27. коло ќе се оддржи на 20 јуни.

Пред тоа да се случи, Спадафора ќе треба да добие дозвола од премиерот Конте, кој претходно потпиша декрет со кој спортот е во пауза до 14 јуни.

Научниот технички комитет (ЦТС) на италијанската влада денеска го одобри медицинскиот протоколо за мечевите, кој е сличен на тој што се утврди за продолжувањето на тренинзите со контакти. Во него останува точката дека ако еден фудбалер или друг член на тимот бидат позитивни на КОВИД-19, целиот тим останува во изолација 14 дена во нивниот тренинг-центар.

Клубовите и лекарите бараа овој период да се намали на 7 дена и се надеваат дека тоа ќе се смени доколку продолжи падот на новозаразените – во моментов има 48.000 активни позитивни случаи во Италија.

Роџер Федерер предизвика бура на реакции во Австралија откако објави видео (кое подоцна беше избришано) со посвета за контроверзниот радио-водител Алан Џонс.

Џонс, поранешен тренер на рагби репрезентацијата на Австралија, е (не)славен во Австралија по неговите сексистички и расистички изјави, како кога изјави дека австралискиот премиер Скот Морисон треба да и „заглави чорапа во грлото“ на премиерката на Нов Зеланд, Џакинда Ардерн. Покрај тоа, Џонс во 2005 година беше обвинет дека предизвикува расистичка омраза, откако организираше собир од 5.000 луѓе кои подоцна нападнаа имигранти во Сиднеј.

„Сакав да ти посакам најдобро за тоа што е пред тебе. И честитки на неверојатната 35-годишна кариера“, изјави 20-кратниот гренд слем шампион во видео пораката по повод пензионирањето на 79-годишниот Џонс.

Социјалните мрежи „збувнаа“ со коментари против Федерер.

„Се надевам дека ќе ги прочиташ сите расистички и сексистички изјави на Алан Џонс. Тажно е што на таков човек му праќаш порака“, напиша еден австралиски фан на Твитер.

„Тој е расист и мизогинист. Изјави дека поранешната австралиска премиерка Џулија Гилард треба да биде фрлена во вреќа во море“, коментираше друг.

Roger #Federer needs to properly vet requests coming his way. For non-Aussies: Alan Jones is a shock jock known for his misogyny and racism. He was responsible for inciting violence against Muslim Australians in the 2005 race riots in Sydney.@BenRothenberg @tumcarayol @KetanJ0 pic.twitter.com/3eBnfeHuXU

— Kevin Chang 🌏⚖️ (@KevinCChang) May 27, 2020

Напаѓачот на Унион Берлин, Себастијан Полтер нема да биде дел од преостанатите шест меча на тимот во Бундеслигата пред крајот на неговиот договор поради непочитување на „основните вредности на клубот“.

Во неверојатна објава од претседателот на клубот, Дирк Цинглер, се вели дека 29-годишниот Полтер, поранешниот младински репрезентативец н Германија, е единствен член на клубот меѓу играчите и тренерите кој „не помага на соиграчите и на нашиот клуб“.

Уште не е јасно што точно направил Полтер, но германските медиуми тврдат дека неговиот „прекршок“ е што се побунил за одлуката на клубот во март фудбалерите да се откажат од платите додека трае пандемијата на корона вирусот.

„Една од основните вредности на Унион Берлин е тоа што ние сме блиска заедница која стои еден зад друг и зад клубот. Себастијан е единствениот фудбалер од првиот тим, од тренерскиот тим или од придружните работници кој за жал не го прави тоа. Тоа е неразбирливо и крајно разочарувачки. За да го заштитиме клубот и ситуацијата да не се закани на целите на теренот решивме тој да не биде дел од првиот тим“, вели Цинглер.

Полтер беше еден од клучните фудбалери на Унион по трансферот од Квинс парк ренџерс во 2017, постигнувајќи 24 гола во две и пол сезони во втората Бундеслига за да ги однесе во елитата. Оваа сезона, тој има два гола, а Унион се на 13. место во Бундеслигата и се обидуваат да осигураат опстанок.

Фудбалерите на Унион Берлин се откажаа од платите