Спорт
Разликата на храната за новинарите кај Јунајтед и Сити

Новинарот на „БТ спортс“, Џејк Хамфрис објави интересна споредба на храната која ја добил од Манчестер јунајтед за денешниот меч против Саутемптон и таа која обично ја добива кај соседите на „Етихад“ кога игра Манчестер сити.
„Кајгана и пире. Вау. Благодарам за ручекот Манчестер јунјајтед“, напиша Хамфрис на Твитер со пакетот со скромниот ручек кој го дава Јунајтед на „Олд Трафорд“.
По ова тој покажа што добива кај Манчестер сити: „П.С. Како го прават тоа вашите соседи“.
Малку подоцна, очигледно „боцнати“ од објавата, тие му донесоа втор ручек на Хамфрис, кој додаде: „Многу подобро, благодарам!“.
Ова е втор проблем со храната на „Олд Трафорд“ во последно време, откако поради „технички проблеми“, никој од 75-те илјади фанови не можеа да добијат никаква храна за мечот од ФА купот со Милдлзборо.
Scrambled egg and mashed potato. Wow. Thanks for lunch @ManUtd ? pic.twitter.com/jcMN5FA3QL
— Jake Humphrey (@mrjakehumphrey) February 12, 2022
PS – How your neighbours do it ? pic.twitter.com/XViH2rOcwy
— Jake Humphrey (@mrjakehumphrey) February 12, 2022
Ah that’s better. Thanks guys ? pic.twitter.com/1R9iH6KEEt
— Jake Humphrey (@mrjakehumphrey) February 12, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона му ја зеде светската круна на Веспрем

Ракометарите на Барселона успеаја да го победат Веспрем со 31:30 (21:21, 13:12) по продолженија, ја освоија титулата клупски светски шампион, од тронот го симнаа токму тимот на Веспрем. Финалниот турнир беше организиран во Египет.
Во текот на првото полувреме се водеше сосема рамноправна борба, се играше по принципот гол за гол, а Барса отиде на полувреме со предност од еден гол – 13:12.
Иан Баруфет постигна пет гола, Блаж Јанц три, Дика Мем два гола. Кај Веспем, Уго Деска постигна четири гола, Недим Ремили и Иван Мартиновиќ постигнаа по три гола.
Во средината на второто полувреме, Барса стекна предност од три гола – 17:14. Веспрем не се предаде, па пет минути пред крајот, унгарскиот тим водеше со 20:19 по промашениот седмерец на Барса и загубената топка.
Следеше војна на нерви. Веспрем имаше напад за победа, но не успеа да го искористи, па финалето отиде во продолженија – 21:21.
По првото продолжение, на семафорот стоеше 26:26. Следеше војна на нерви, а прашањето за победникот го реши Гомез Абељо, кој постигна гол седум секунди пред крајот и го постави конечниот резултат 31:30.
Најефикасни во тимот на Барселона беа Гомез Абељо со шест, Јан Баруфет со пет, Тимоти Н’Гусен и Дика Мем со по четири, Блаж Јанц и Лудивик Фабрегас со по три гола. Кај Веспрем, Уго Деска постигна осум гола, Недим Ремили и Иван Мартиновиќ по шест, Гаспер Маргуч четири гола.
Третото место го освои актуелниот шампион на Европа, екипата на Магдебург, која го победи Ал Ахли со 32:23 (19:11).
Foto/ EPA
Спорт
(Видео) Рома три пати промаши ист пенал и загуби од Лил

Првите натпревари од второто коло во Лига Европа, го обележа натпреварот на „Олимпико“ во Рим. Рома три пати промаши еден ист пенал и загуби од Лилсо 0:1.
Фудбалерите на лил поведоа во шестата минута, кога грешката во одбраната на Рома ја казни Харалдсон.
Она што го обележа натпреварот се случи во 82-та минута. ВАР и додели пенал на Рома, одговорноста ја презеде Довбик. Голманот Озер го одбрани пеналот, но излегол пред време од гол-линијата и Довбик доби нова шанса.
Повторно Озер му го одбрани ударот на Украинецот, но повторно пред време ја напушти гол-линијата. Третиот пенал го изведе Суле, Озер го одбрани и овој удар.
После тоа, Лил успеа да ја задржи предноста и да ги однесе бодовите за Франција.
Спорт
(Видео) Пораз на Шкендија од Рајо Ваљекано
Македонскиот шампион Шкендија со пораз стартуваше во главната фаза во Конференциската лига. Вечерва во Мадрид, Рајо Ваљекано ја порази Шкендија со 2:0.
На „Ваљекас“, Рајо мечот го реши во првите половина час, во интервалот од 28-та до 32-та минута.
Унаи Лопез го постигна првиот, а Фран Перез вториот гол.
⚽️ Fran Pérez 31'
UEFA Conference League | 🇪🇺 Rayo Vallecano 2-0 Shkëndijapic.twitter.com/BfW10IP8vb
— Goals Xtra (@GoalsXtra) October 2, 2025
Овој резултат остана до крајот на натпреварот, најмногу поради голманот на Шкендија, Геје, кој во вториот дел имаше неколку изворедни интервенции.
Foto/ EPA