Италијанскиот голман Џанлуиџи Донарума, како најдобар играч на Европското првенство, на кое победи со Италија, пристигна во ПСЖ. Сепак кариерата во Париз не ја започна онака како што посакуваше. Донарума ја грее клупата за резерви, прв голман е Кејлор Навас.

Италијанските медиуми тврдат дека Донарума им кажал на клупските челници дека е незадоволен и дека е подготвен да си оди доколку неговиот статус не се смени.

Наводно, тој му порачал на менаџерот, Мино Рајола, да ги контактира италијанските клубови, ки беа заинтересирани за неговите услуги, пред тој да ја прифати понудата на ПСЖ.

Најголем интерес за Донарума покажуваа луѓето од Јувентус, но клубот не можеше и не сакаше да ги исполни неговите мегаломански барања.

Ла Лига го објави времето на одигрувањето на првото Ел класико оваа сезона. Првиот човек на Ла Лига, Хавиер Тебас, предизвика револт кај навивачите на Реал и Барселона, со одлуката, дербито кое во 10.коло ќе се игра на „Камп Ноу“, на 24.октомври, да започне во 16.15 часот.

Пладневниот термин не е популарен кај навивачите во Шпанија, особено не кога треба да се игра најголемото дерби во светот.

Тебас нема проблем со терминот, тој успеа да ги задоволи барањата на оное кои скапо ги плаќаат телевизиските права. Терминот е направен за да можат да го следат фудбалските фанови во Азија.

Престојното дерби ќе биде прво по 1.март 2020 година кое ќе се игра пред полни трибини.

Минатата сезона, двата дуели им припаднаа на фудбалерите на Реал. Во Барселона резултатот беше 3.1, а во Мадрид 2:1 за Реал.

Тимо Вернер имал потпишан договор со Баерн Минхен, се откажал откако дознал дека тогашниот тренер Нико Ковач и спортскиот директор, Хасан Салихамиџиќ, не го сакаат во клубот.

Ексклузивата на „Билд“, вели дека Вернер во сезоната 2018/2019, се договорил со Баварците, во 2020 година од Лајпциг да се пресели во Минхен. Тој и потпишал договор со Баерн, но самиот се повлекол откако дознал дека не им и по волја на тренерот Ковач и спортскиот директор Салихамиџиќ.

„Билд“, додава дека овој дел во врска со договорот на Вернер, кој го договорил тогашниот претседател Ули Хенес, бил откриен во спорот помеѓу двајца менаџери, кои на суд ќе се соочат на 28.септември.

Вернер, откако му пропадна трансферот во Баерн се пресели во Челси за речиси 45 милиони евра.