Џуд Белингем ги помина медицинските прегледи во Мадрид, по што Реал го промовираше најскапиот играч во историјата на клубот.

„Здраво Мадридисти. Ви благодарам на сите што сте тука на најважниот ден во мојот живот. Во првиот ден во најголемиот клуб во светот. Им благодарам на Хуни Калафат, Хозе Анхел, претседателот (Флорентино Перез) сите што ме доведоа овде. Му благодарам и на моето семејство. Конечно, Хала Мадрид“, извикна Белингам.

Белингем во Реал пристигна од Борусија Дортмунд, а Реал за англискиот репрезентативец плати 103 милиони евра. Дополнителни 30 милиони евра Борусија може да заработи доколку бидат исполнети некои клаузули.

„Цената воопшто не ме загрижува, не знам ни колку е. Фудбалер сум, ниту сум адвокат ниту сметководител“, изјави Англичанецот за висината на трансферот.

Тој потпиша договор со Реал до 2029 година и претставува почеток на нова ера за Реал Мадрид каде клучни играчи ќе бидат младите сили, покрај Белингем, тука веќе се Бразилците, Винисиус Жуниор и Родриго.

„Задоволство ми е да ве запознаам сите. Реал е најдобриот клуб во историјата. Благодарен сум на луѓето кои ме доведоа овде“, повтори Белингам.

За него беа заинтересирани сите англиски гиганти, но тој сепак го избра Реал, кој првиот контакт го оствари пред околу десет месеци.

„Парите не ми се важни, никогаш не сум размислувал за пари кога носев вакви одлуки. Фудбалот е спортот што го играм. Го сакам чувството што ти го дава Реал“, изјави играчот од средниот ред.

Тој во „кралскиот клуб“ ќе го носи број 5. Овој број во Реал го прослави Зинедин Зидан.

5️⃣ @BellinghamJude 5️⃣#HeyJude pic.twitter.com/W37geUYWIc

— Real Madrid C.F. (@realmadrid) June 15, 2023

„Му благодарам на Ваљехо што ми го даде бројот 5. Го прашав дали му е важно, тој е одлично момче. Му се восхитувам на Зидан и неговиот број ме инспирира. Не сакам да бидам како него, затоа што сум поинаков. Чест е да се носи овој број. Дресот сам по себе е голема одговорност. Секогаш многу го ценев Зидан и тој беше најдобриот играч за мене. Сакам да го продолжам наследството на овој број“.

Конкуренција за првиот тим на Реал ќе бидат клупски легенди Тони Крос и Лука Модриќ.

„Тоа е непроценливо искуство за мене. Нивното искуство е неверојатно и ќе се обидам да бидам покрај нив во првите недели. Се надевам дека нема да им пречи. Имаме одлична комбинација на младост и искуство”.

Белингем можеби не е најзвучното засилување на Реал ова лето, а медиумите шпекулираат за трансферите на Килијан Мбапе и Хари Кејн.

„Тие се двајца неверојатни играчи, но тие приказни ги видов само на интернет и на Твитер. Би сакал да играм со него (Мбапе), секако“.