Спорт
Реал гостува кај Манчестер сити, Баерн го чека Арсенал

Вечерва ќе биде формирана втората полуфинална двојка во Лигата на шампионите. Четвртфиналните реванши ќе ги одиграат Манчестер Сити и Реал Мадрид, односно Баерн Минхен и Арсенал. Синоќа пласман во полуфиналето изборија Борусија Дортмунд и ПСЖ.
Манчестер Сити – Реал Мадрид
Првиот натпревар одигран минатата недела во Мадрид понуди вистински спектакл. Натпреварот со два пресврти на крајот заврши без победник 3.3.
Во претходните две сезони овие две екипи се сретнаа во нокаут фазата, интересно победникот на крајот од сезоната ја освојуваше Лигата на шампионите.
Пеп Гвардиола нема да има никакви проблеми кога е во прашање составувањето на тимот. Сите се здрави и ќе му бидат достапни на шпанскиот тренер.
Од друга страна, веќе е познато дека Карло Анчелоти не може да смета на повредените Алаба и Куртоа. Исто така во тимот, поради жолти картони, ќе го нема Чуамени.
Главен судија ќе биде Даниеле Орсато од Италија, ќе му помагаат Чиро Карбоне и Алесандро Џалатини, додека четврти судија е Маурицио Маријани. Во ВАР собата ќе бидат Масимилијано Ирати и Паоло Валери.
Баерн – Арсенал
Првиот натпревар во Лондон заврши без победник 2:2, што значи дека сите опции се отоврени во реваншот. Баерн е под притисок бидејќи Лигата на шампионите му е единствената шанса сезоната да ја заврши со трофеј. Арсенал, од друга страна доаѓа разнишан во Минхен, по неочекуваниот пораз на домашен терен од Астон Вила.
Микел Артета нема проблеми со составот, на мали повреди се пожалија Сака и Едегард, но се очекувадвајцата да бидат во тимот.
За разлика од Артета, Томас Тухел има сериозни проблеми. Дејвис е суспендиран, а Коман и Гнабри ќе го пропуштат реваншот поради повреди
Холанѓани ќе ја делат правдата во Минхен. Натпреварот ќе го суди Дани Макели, помошници ќе му бидат Хесел Стегстра и Јан де Вриј. Сандер ван дер Ејк е четврти судија, додека Роб Диперинк и Кали Руперти ќе бидат во ВАР собата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Коман пристигна кај Кристијано Роналдо

Поранешниот играч на Баерн Минхен, Кингсли Коман, е нов играч на Ал Наср, објави клубот од Саудиска Арабија.
Коман (29) потпиша тригодишен договор со Ал Наср, а клубот не ја наведе вредноста на трансферот.
Францускиот крилен напаѓач пристигна во Баерн во август 2015 година, а оттогаш одигра вкупно 339 натпревари и постигна 72 гола за германскиот клуб.
Тој освои вкупно 20 трофеи со Баерн, вклучувајќи еден во Лигата на шампионите, а претходно во кариерата играше и за Јувентус и Пари Сен Жермен.
Со француската репрезентација, за која одигра вкупно 58 натпревари, освои сребрени медали на Европското првенство во 2016 година и на Светското првенство во Катар.
Фото/ ФК Ал Наср
Спорт
Артета: Ако продолжиш да копаш, еден ден ќе најдеш злато

Менаџерот на Арсенал, Микел Артета, зборуваше за шансите на неговиот тим да ја освои титулата пред почетокот на новата сезона.
Лондонските „топџии“ завршија на табелата, три пати во претходните три сезони. Прво, двапати беа зад Манчестер сити, а минатата сезона зад Ливерпул.
„Ако веруваш во она што го работиш, еден ден ќе ја постигнеш својата цел. Може да биде и фигуративно: Ако продолжиш да копаш и си упорен, еден ден ќе стигнеш до златото. Тоа е она што ме учеа целиот мој живот“, рече шпанскиот тренер и додаде:
„Ако ја погледнете математиката, собравме повеќе бодови од кој било друг тим во лигата во последните три сезони, а тоа многу зборува за нашата конзистентност. Сега треба да го направиме тоа во една сезона“, рече Микел Артета, пренесува Би-Би-Си.
Тимот на Арсенал во првото коло ќе го одигра дербито поротив Манчестер јунајтед. Натпреварот на „Олд Трафорд“ во Манчестер се игра в недела од 17.30 часот.
Фото/ Принтскрин
Спорт
(Видео) Салах плачеше на крајот од натпреварот

Мохамед Салах не можеше да ги скрие своите емоции по победата на Ливерпул над Борнмут (4:2) во првото коло од новата сезона во англиската Премиер лига.
Натпреварот помеѓу Ливерпул и Борнмут беше полн со емоции од првата до последната минута, сè беше посветено на Диого Жота, кој почина во сообраќајна несреќа.
Неговиот голем пријател и долгогодишен соиграч во Ливерпул, Салах не можеше лесно да се избори со своите емоции.
Тоа можеше да се види во текот на целиот натпревар, а на крајот постигна гол и му го посвети на Жота, го прослави како што некогаш правеше Португалецот.
На крајот од натпреварот, тој се расплака.
Foto/ EPA/ADAM VAUGHAN
Mohamed Salah was the last player to leave the pitch, joining in with a tearful rendition of Diogo Jota's chant in front of the Kop ❤️ pic.twitter.com/c5Vj4Rfr8C
— Premier League (@premierleague) August 15, 2025