Спорт
Реал и Барселона во трка за потписот на 16-годишен Аргентинец
Реал Мадрид и Барселона се сериозно заинтересирани за 16-годишниот Аргентинец Франко Мастантуон, фудбалер на Ривер Плата, кој дебитираше за првиот тим и почна да собира сениорска минутажа, а неодамна стана и најмладиот стрелец во историјата на клубот.
Мастантуоно е уште еден од низата таленти од фудбалската школа на Ривер кои го привлекуваат вниманието на најдобрите клубови во светот. Неодамна Клаудио Ечевери, кој е две години постар од Мастантуоно и исто така е офанзивен играч за врска, направи трансфер во Манчестер сити вреден 18,5 милиони евра.
Ечевери ќе остане на позајмица во Ривер Плата цела 2024 година, односно целата актуелна сезона на јужноамериканскиот фудбал. После тоа, постои можност тој да замине на позајмица во Џирона, партнерскиот клуб на Сити со иста сопственичка структура.
Барселона и Реал веројатно имаат ист план за Мастантуоно чиј потпис би сакале да го обезбедат што поскоро, како што неодамна направи Реал со Ендрик, но сигурно е дека Мастантуоно ќе биде значително поскап од неговиот соиграч Ечевери. Неговата откупна клаузула моментално е 30 милиони евра.
16-year-old River Plate talent Franco Mastantuono became the youngest scorer in their history last week.
He has been linked to #FCBarcelona, but now #RealMadrid are also believed to be interested. (TNT Sports)pic.twitter.com/5GEMjmn6qw
— Football España (@footballespana_) March 13, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Марка: Би било лошо доколку Реал го врати Серхио Рамос
Реал Мадрид е во криза поради бројните повреди и отсуства кои најмногу ја погодија дефанзивната линија. Повредени се голманот Тибо Куртоа и дефанзивците Едер Милитао, Давид Алаба и Дани Карвахал. Извесно е дека сезоната е завршена за десниот бек, Карвахал.
Откако се повреди Карвахал, дел од шпанските медиуми шпекулираа дека во Реал би можел да се врати поранешниот капитен Серхио Рамос.
38-годишникот е слободен играч откако му истече договорот со Севилја. Дел од навивачите би се согласиле со неговото враќање, но „Марка“, медиум близокдо клуботпишува дека Реал ќе направи голема грешка доколку го врати Рамос.
Главна причина се неговите години, и непишаното правили: „Ако го напуштиш Реал, не враќај се“.
Иако Рамос има култен статус во „кралскиот клуб“, раководството на Реал нема стратегија за потпишување на ветерани. Затоа ни Хари Кејн не дојде пред нешто повеќе од една година. Реал најверојатно ќе се фокусира на доведување на некои помлади играчи, пишува „Марка“.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.
Спорт
Тухел ја презема Англија?
Германскиот стручњак Томас Тухел наскоро би можел да се врати на тренерската работа, откако спогодбено се раздели со Баерн Минхен.
Како што пренесува Кристијан Фалк од „Билд“, Томас Тухел е првиот кандидат за селектор на Англија.
Од заминувањето на Герет Саутгејт на крајот на Европското првенство, Англија нема именувано селектор.
ФА го назначи како привремен селектор, предводникот на У21 репрезентацијата Ли Карсли.
Позицијата селектор на Англија дефинитивно е една од најтешките работи во светото на фудбалот со оглед на квалитетото што го поседува и големите очекувања кои ги има англиската јавност.