Фудбалерите на Арсенал го победија Њукасл со 1:0 во 37-то коло од Премиер лигата.

Арсенал и доколку имаше ненкави дилеми ја обезбеди втората позиција, додека Њукасл се наоѓа во групата од пет тима кои се борат за преостанатите три места, кои носат пласман во Лигата на шампионите.

Арсенал победи со 1:0, со голот на Деклан Рајс во 55-та минута од натпреварот.

Претходно во трката за место во Лигата на шампионите се врати Нотингем Форест. „Шумарите“ во Лондон го победија Вест Хем со 2:1. Стрелци на головите за Форест беа Морган Гибс-Вајт во 11-та и Никоа Миленковиќ 61-та минута. Голот за „чеканите“ го постигна Џерод Боувен.

На табелата Њукасл, Челси и Астон Вила имаат по 66 бода, а Манчестер сити и Нотингем Форест по 65. Сити има натпревар помалку од конкурентите, кој ќе го одигра во вториник, кога ќе го пречека Борнмут.

Ракометарите на Алкалоид забележаа победа во првиот финален натпревар во Европскиот куп. Алкалоид во Атина го победи АЕК со 29:25 (16:14). Херој на победата е голманот Галевски, кој одбрани пет седмерци во второто полувреме.

Алкалоид 60 минути го делат од најголемиот успех во историјата на клубот. Реваншот е за седум дена во Скопје, во кој избраниците на Кирил Лазаров ќе влезат со предност од четири гола.

Речиси совршен натпревар одиграа играчите на Алкалоид во пеколната атмосфера во Атина. Клучната серија ја направија од 26.минута кога од минус два, дјдоа до плус два пред паузата. На стартот од вториот дел предноста се зголеми за уште еден гол и од тој момент Алкалоид ја презеде контролата врз натпреварот.

АЕК неколку пати дојде до минус 1, но не успеа да изедначи. Најмногу благодарение на брилијаниот Галевски. 20-годишникот одбрани пет од шесте пенали во вториот дел.

Мечот во вториот дел два пати беше во прекин, домашните навивачи фрлаа ситни предмети на теренот, еден од нив за врши во главата на Дамјан Митев.

Галевски натпреварот го заврши со осум, а неговиот колега Кизиќ со девет одбрани. Најефикасни беа Серафимов со шест и Силва со пет гола.

Шпанскиот тенисер Карлос Алкараз е победник на Мастерс турнирот во Рим, откако во финалето го победи домашниот миленик Јаник Синер.

Мечот траеше еден час и 43 минути и заврши во два сета, со резултат 2:0 (7:6, 6:1).

Алкараз, од понеделник се враќа на второто место на АТП листата.

Синнер не успеа да ја освои титулата на домашен терен, по тримесечната суспензија што ја отслужи поради скандалот со допинг.

“„Блокбастер“ финалето на „Форо Италика“ започна многу жестоко и тврдо, всушност, така беше во текот на целиот прв сет.

Само Алкараз имаше една брејк шанса во петтиот гем, а Синер се избори за својата во 12-тиот кога имаше две врзани сет-топки. И тој не ги користеше. Тај-брејкот на првиот срт му припадна на Шпанецот, кој отвори со 3:0, а потоа ја искористи втората сет топка.

Италијанецот не се појави во вториот сет, беше целосно уништен од Алкараз, кој стануваше сè подобар и побрз. Експресно дојде до 5:0 и го реши мечот.

Алкараз ја освои 19-та титула во кариерата и најави дека ќе биде фаворит број 1 за трофејот на Ролан Гарос.