Спорт
Реал ја прашува УЕФА: Како Париз ја доби организацијата на финалето на ЛШ?
Немилите сцени и инцидентите што се случи на денот на одигрувањето на финалето, на Лигата на шампионите, се уште се тема во фудбалскиот свет. Шест дена по освојувањето на 14.титула во Купот/Лигата на шампионте со соопштение се огласи Реал Мадрид.
Од „Сантијаго Бернабеу“ до УЕФА испратија неколку прашања на кои бараат да им биде одговорено. Реал и УЕФА една година се во „војна“ поради Суперлигата, од која „кралскиот клуб“, заедно со своите партнери Барселона и Јувентус не сака да се откаже.
„Со оглед на немилите настани што се случија на 28.мај во близина на влезот на „Стад де Франс“, вклучително и внатре во стадионот, Реал Мадрид сака да го каже следново во одбрана на нашите навивачи кои беа жртви на овие настани:
1. Сакаме да дознаеме кои биле причините да се одреди местото на финалето и кои критериуми се земени во предвид со оглед на тоа што се случи.
2. Бараме и одговори и објаснувања кои ќе утврдат кој е одговорен што ги остави навивачите без помош и одбрана. Навивачи чие однесување во секое време беше примерно.
Разбираме дека она што требаше да биде голем фудбалска празник за сите навивачи кои присуствуваа на натпреварот, всушност се претвори во немили настани, кои предизвикаа длабока огорченост ширум светот.
Како што може јасно да се види на снимките објавени и во медиумите, многу фанови беа насилно нападнати, малтретирани и ограбени. Некои настани се случиле и кога се возеле во автобуси и автомобили, каде што се плашеле за својата безбедност. Некои дури мораа да преноќат во болница поради повредите.
Фудбалот му пренесе на светот слика која е далеку од вредностите и целите кон кои секогаш мора да се стремиме.
Нашите навивачи заслужуваат одговори на овие прашања и разјаснување на релевантните одговорности за да се искоренат од фудбалот и спортот воопшто ситуации како оние што се случија во финалето“, се вели во соопштението на Реал Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ужасни вести за Иско и аа Бетис: сериозна повреда и неколку месеци одмор

Фудбалерот на Бетис, Иско, ја скрши фибулата на левата нога, објави шпанскиот клуб.
Иско се повредил на пријателски натпревар против Малага, а Бетис изјави дека шпанскиот играч од средниот ред „ќе биде подложен на конзервативен третман во наредните недели“ и дека „неговото враќање ќе зависи од напредокот на повредата“. Сепак, шпанските медиуми објавија дека Иско ќе отсуствува околу три месеци.
„Ова е нова трауматска повреда која не е поврзана со претходна повреда која е санирана“, додаде Бетис во соопштението.
Иско (33) беше прогласен за најдобар играч во Конференциската лига минатата сезона, стигнувајќи до финалето со Бетис, а беше избран и во тимот на годината во шпанската Ла Лига.
Пред да се приклучи на Бетис, тој играше за Севиља, Реал Мадрид, Малага и Валенсија, додека одигра вкупно 39 натпревари за шпанската репрезентација и постигна 12 гола.
фото: принтскрин
Спорт
Полската репрезентација патува ослабена на Европското првенство: Џереми Сочан го пропушта шампионатот поради повреда

Кошаркарскот репрезентативец на Полска, Џереми Сочан ќе го пропушти овогодинешното Европско првенство поради повреда на листот.
Иако не се смета за сериозна, повредата бара одмор и рехабилитација, што го исклучува Сочан од учеството за полската репрезентација на помалку од три недели до турнирот, објави официјалната веб-страница на Европското првенство.
„Многу ни е жал што летото на Џереми со репрезентацијата завршува толку брзо. Тој е ценет член на нашиот тим и има одличен однос со тимот“, рече селекторот на полската репрезентација Лукаш Кошарек.
Сочан е играч на Сан Антонио, а минатата сезона во Американската професионална кошаркарска лига (НБА) имаше просек од 11,4 поени, 6,5 скока и 2,4 асистенции.
Полска е еден од домаќините на овогодинешното Европско првенство, кое ќе се одржи од 27 август до 14 септември, а во групата Д ќе играат со репрезентациите на Франција, Словенија, Израел, Белгија и Исланд.
фото: принтскрин
Спорт
(Видео) Модриќ дебитираше во дебаклот на Милан

Хрватскиот фудбалер Лука Модриќ го одигра својот прв натпревар за Милан откако пристигна како слободен агент.
„Росонерите“ дожевеаја дебакл на „Стемфорд Бриџ“, на генералната проба пред почетокот на новата сезона.
„Сините“ ги декласираа со резултат од 4:1, а Модриќ го одигра целото второ полувреме за гостите од Милано.
Во моментот на влегување во играта, Челзи водеше со автогол на Андреј Кубиш во петтата минута, и голот на Жоао Педро во осмата минута. Романскиот дефанзивец дефинитивно беше трагичара, бидејќи заработи директен црвен картон во 18-та минута.
Лиам Делап го зголеми резултатот од пенал во 67-та минута, а Јусуф Фофана го постигна почесниот гол за Милан во 70-та минута.
Делап ги постави конечните 4:1 во 90-та минута и ја запечати победата на Челзи, кој следната недела ќе го пречека Кристал Палас.