Спорт
Реал ќе се обиде да продаде 10 фудбалери ова лето!

Реал Мадрид разочарувачката сезона ќе ја заврши со чистка во своите редови, тврди шпанскиот „Ас“ додавајќи дека Флорентино Перез е подготвен да продаде дури 10 фудбалери на „кралевите“ ова лето ако некој може да си ги дозволи.
Неуспехот во Лигата на шампионите и малите шанси да ја освојат титулата од Ла Лига пред последното коло, заедно со шпекулациите дека Зинедин Зидан е подготвен да си замине на крајот на сезоната, носат многу прашања на „Сантијаго Бернабеу“.
На листата за отстрел на Перез се Еден Азар, кој не успеа да направи впечаток во шпанската престолнина, како Рафаел Варан, за кого се заинтересирани Манчестер јунајтед, Челси и ПСЖ. Герет Бејл, Иско и Марко Асенсио веќе подолго време се на оваа листа, а покрај нив, според „Ас“, се и Марсело, Лука Јовиќ, Маријано Дијаз и Бохра Мајорал, како и Дани Себалјос, кој оваа сезона игра на заем во Арсенал.
Со парите обезбедени од продажбата ќе се добие буџет за засилувања откако минатото лето Реал беше еден од ретките големи клубови што не купија ниту еден играч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јанис и дружината ја освоија бронзата на ЕП

Грција го освои бронзениот медал на 42. Европско првенство во кошарка. Во „малото финале“, во Рига, Грција ја победи Финска со 92:89 (24:15, 24:19, 21:22, 23:33). За Грција ова е прв медал по пауза од 16 години, во 2009 година во Полска исто така оваа репрезентација беше бронзена.
Грците го диктираа темпото речиси во текот на целиот натпревар, иако момците на Ласе Туови пружија добар отпор. Ова особено се почувствува во првото полувреме, но играчите предводени од тренерот Василис Спанулис не ја испуштија двоцифрената предност во третата и речиси во целата четврта четвртина.
Неверојатно е како Грците им дозволија на Финците да се вратата во мечот. Речиси ја подарија победата. Лаури Марканен погоди тројка на 98 секунди до крајот, а потоа тројка погоди и Елијас Волтон за 86:79.
Драмата започна да кулминира кога Оливие Нкаму со тројка намали на 86:82 на 54 секунди пред последниот звук на сирената, но веќе четири секунди подоцна Јанис Адетокунбо постигна 2+1 за 89:82. Марканен повторно погоди тројка и резултатот беше 89:85. Јанис ја загуби топката во нападот на Грците, а потоа Миро Литл беше фаулиран. По слободните фрлања на 20 секунди до крајот на натпреварот, резултатот беше 89:87.
По ова следеше прекршок врз Костас Слукас, кој го промаши второто фрлање и сериозно го загрози сè што градеа Грците.
Како шлаг на тортата дојде прекршокот на Костас Папаниколау за три слободни фрлања. Елиас Валтонен, го промаши последното од трите фрлања, но топката падна во рацете на Јантунен, кој од три метри промаши чист зицер за предност на Финска. Јанис беше највисок во скокот, доби прекршок и не ги промаши фрлањата за победа.
Адетокунбо заврши со 30 поени, 17 скока и шест асистенции за 31 минута на паркетот.
Се истакна и натурализираниот бек на Олимпијакос, Тајлер Дорси, кој беше заслужен за 20 поени – 7/12 од поле и одлични 5/9 од три. Василеос Толиопулос, новото засилување на Панатинаикос, постигна 15 поени.
На Финска не ѝ помогна тоа што имаше дури четири кошаркари со двоцифрен учинок во своите редови. Марканен забележа 19 поени и 10 скока, Валтонен, постигна еден поен помалку, Нкамуа даде 15 поени, а Јантунен уфрли 13 поени.
Foto/ EPA
Спорт
(Видео) Спектакл во трката на 100 метри – Облик Севил е светски првак

Облик Севил од Јамајка е светски шампион на 100 метри. Во финалето на Мундијалот во Токио истрча 9,77.
Севил беше одличен и во квалификациите и во полуфиналето, но никој не му даваше шанси во финалето.
Сепак, тој блесна на патеката. Пред 70.000 луѓе во финишот, успеа да го надмине сонародникот Кишан Томпсон, кој мораше да се задоволи со сребро. Заостануваше пет стотинки зад победникот.
Ова е прва титула за Јамајка на 100 метри, од триумфот на легендарниот Јусеин Болт во 2017 година. Патем, светскиот рекордер беше во Токио за да го гледа во живо двојниот триумф на своите сонародници.
Актуелниот шампион Американец Ноа Лајлс беше трет со 9,89, додека олимпискиот вицешампион Лесли Тебого од Боцвана беше дисквалификуван поради грешка на стартот.
Foto/ EPA
Oblique Seville 🇯🇲 is the World 100m Champion!!🥇🥇
🥇 Oblique Seville 🇯🇲 9.77 (PB)
🥈 Kishane Thompson 🇯🇲 9.82
🥉 Noah Lyles 🇺🇸 9.89pic.twitter.com/1yV72I6UYJ— Track & Field Gazette (@TrackGazette) September 14, 2025
Спорт
(Видео) Аматерскиот потег на Межбри му донесе победа на Ливерпул

Фудбалерите на Ливерпул го победија Барнли со 1:0 во натпреварот од 4. коло од Премиер лигата.
По неверојатните завршници против Борнмут, Њукасл и Арсенал, „Црвените“ продолжија со серија исклучително интересни натпревари на почетокот од новата сезона, во кои се единствениот тим со четири победи.
Фудбалерите на Ливерпул гостуваа кај Барнли на „Тарф Мур“, а Скот Паркер постави совршена тактика. Свесен дека квалитетот е на страната на противникот, енаџеорт на барнли ги постави своите фудбалери во нисок блок.
Тактиката функционираше совршено се до 93.минута. Противникот не успеа да создаде опасна акција и се потпираше на удари од далечина.
Кога Ливерпул не успеа да креира буквално ништо пред голот на Барнли, домаќините им ја подарија победата.
Прво, Угочукву доби втор жолт, во 83.минута, а 10.минути подцона Ханибал Межбри, направи глупав пенал.
— OvoOno (@OvoOnoX) September 14, 2025
Мајкл Оливер оправдано покажа на „белата точка“, а единствениот гол на натпреварот го постигна Мохамед Салах во петтата минута од судиското продолжение.
Foto/ EPA