Спорт
Реал лошо работеле во преодниот рок, тимот е послаб од лани
Голема кампања, многу засилувања и на крајот ја промашија поената, вака шпанските медиуми гледаат на она што Реал Мадрид го сработиле во преодниот рок.
„Овој Реал е послаб од минатогодишниот и покрај тоа што во тимот се вложени големи пари“, коментираат аналитичарите со напомена дека со исклучок на Еден Азар, останатите се инвестиции за во иднина и дека Милитао, Јовиќ, Менди не се фудбалери кои веднаш ќе бидат носители на играта.
„За сега единствен плус е Герет Бејл, односно одлуката на Зидан да попушти и да го врати во првиот тим, но прашање е до кога та ќе трае“, констатираат од „АС“, алудирајќи на честите повреди на Велшанецот.
„АС“ тврдат дека Реал се во неволја поради лошите проценки.
„Го пуштија Љоренте кој беше единствена замена за Каземиро, се ослободија од Себалјос кој можеше да помогне во ситуација кога триото Модриќ-Крос-Каземиро не функционира веќе подолго време. Иско и Хамес Родригес можат да играат како централни играчи во редот за врска, но нивниот придонес во одбраната е минимален. Зидан не смее да си дозволи луксуз да игра со неколку играчи кои би немале обврски во одбраната“.
Исто така медиумите во Шпанија и аналитичарите се занимаваат и со голманската позиција во Реал. Мислењата се дека Тибо Куртоа не е подобар голман од Кејлор Навас и дека е на голот бидејќи бил скапо платен.
Истоветни се и мислењата дека овој тим на Реал дека овој тим е далеку од оној што четири пати во пет години ја освои Лигата на шампионите. Објаснуваат дека играчите се исти, но дека се заситени од успесите, истрошени и дека се далеку од формата што беа пред неколку години.
Плус сите се сложни дека е невозможно да се надомести заминувањето на Крситијано Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.