Спорт
Реал Мадрид го финализира трансферот на Џуд Белингем
Реал Мадрид се пред комплетирање на трансферот на ѕвездата на Борусија Дортмунд, Џуд Белингем, со уште малку детали за решавање пред летниот преоден рок, каде што овој трансфер ќе биде сигурно еден од најважните, тврди шпанска „Марка“.
По повеќе месеци преговори зад сцените, Мадрид имале договор во принцип за 19-годишниот Англичанец, кој ќе потпише шестгодишен договор. Претставници на Реал минатата недела пристигнале во Германија за да го комплетираат договорот и да ја добијат битката со Манчестер сити, откако Ливерпул јавно се повлекоа.
Белингем, и покрај понудите за враќање во татковината, повеќе сакал трансфер во Мадрид поради нивниот успех во Лигата на шампионите и приоритетот кој се дава на млади играчи на „Сантијаго Бернабеу“. Шпанскиот гигант, слично како во трансферите на Орелиен Чуамени и Едуардо Камавинга, сака да реагира што е можно побргу, и се поготвени да платат од 100 до 120 милиони евра.
🚨 Inminente Bellingham: acuerdo casi cerrado
👉 Informa @jfelixdiaz
https://t.co/lTjI5tz893— MARCA (@marca) May 3, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ЕУРО 2024 заврши за Костиќ
Фудбалскиот сојуз на Србија (ФСС) потврди дека ЕУРо 2024 е завршено за фудбалерот на Јувентус Филип Костиќ.
Филип Костиќ го повреди коленото на мечот со Англија, сериозноста на повредата е таква што нема да се опорави навреме за продолжението на турнирот.
„Магнетната резонанца покажа делумно оштетување на надворешниот медијален лигамент. Тој ќе остане во Германија уште два дена, а потоа ќе замине. Неговиот клуб е информиран“, изјави портпаролот на ФСС.
Овој тип на повреда бара двонеделно опоравување, па крилниот напаѓач по следниот натпревар ќе го напушти репрезентативниот камп.
Србија во второто коло, во Ц групата, во четврток од 15 часот ќе игра против Словенија.
Спорт
Струга го доби најтешкиот противник во квалификациите за ЛШ
Шампионот на Македонија, Струга ТЛ, го доби најтешкиот противник во првото квалификациски коло, во Лигата на шампионите.
Струга ќе игра против Слован Братислава, најтрофејниот клуб во Словачка. Првиот натпревар ќе се одигра во Братислава на 9/10 јули, а реваншот во Македонија е седум дена подоцна.
Поразените екипи во првото коло, ќе продолжат во второто квалификациско коло во Конференциската лига.
Сите парови за првото квалификациско коло:
Борац (БиХ) – Игнација (Албанија)
Слован Братислава (Словачка) – Струга (Македонија)
ТНС (Велс) – Дечиќ (Црна Гора)
Балкани (Косово) – Санта Колома (Андора)
Хамрун (Малта) – Линколн Ред Импс (Гибралтар)
Флора Талин (Естонија) – Целје (Словенија)
Клаксвик (Фарски Острови) – Диферданж 03 (Луксембург)
Паневезис (Литванија) – ХЈК Хелсинки (Финска)
РФС (Латвија) – Ларне (Северна Ирска)
Викингур (Исланд) – Шамрок (Ирска)
Виртус (Сан Марино) – ФЦСБ (Романија)
Лудогорец (Бугарија) – Динамо Батуми (Грузија)
Ордабаси (Казахстан) – Петрокуб (Молдавија)
Динамо Минск (Белорусија) – Пјуник (Ерменија)
Спорт
Ван Ганди ќе му биде помшник на Лу во ЛА Клиперс
Џеф Ван Ганди ќе му биде прв асистент на Тајрон Лу на клупата на Лос Анџелес Клиперс, пренесува ESPN.
Адријан Војнаровски известува дека Ван Ганди наскоро ќе потпише договор со Клиперс. Претходно, 64-годишниот стручњак 16 години работеше како стручен консултант за ESPN пред да го прифати повикот минатата година да биде претседател на кошаркарските операции во Бостон.
Ван Гунди и Лу изградија одлични односи за време на нивната соработка во репрезентацијата на Соединетите Американски Држави.
Ван Гунди беше голем фан на Тајрон Лу, а двајцата работеа заедно во Хјустон пред 20 години – Лу играше за Рокетс, а Ван Ганди беше негов тренер.
Искусниот стручњак како главен тренер ги предводеше и Њујорк Никс, а неговиот вкупен учинок во НБА е 430-318.