Спорт
Реал Мадрид ја нападна Ла Лига: Следната сезона е закажана

Челниците на шпанската Ла Лига го одбиле барањето на Реал Мадрид за одложување на првенствениот натпревар против Осасуна на 19 август. Од „кралскиот клуб“ наведоа дека дека им е потребно одложување бидејќи играчите се уште се уморни од минатата сезона, во која најдобрите играчи одиграа повеќе од 60 натпревари.
На „Сантијаго Бернабеу“ се бесни на одлуката и испратија остра порака до челниците на лигата преку клупската телевизија. Патем, Реал повремено ја користи својата клупска телевизија за критики, главно кон судиската организација.
„Испративме барање за одложување на натпреварот уште на 9 јуни бидејќи знаевме дека нашите играчи нема да имаат доволно одмор по Светското клупско првенство. Добивме одговор на 31 јули. Дотогаш, тие нè игнорираа. Ја затворија вратата за логиката, спортската медицина и интегритетот на натпреварувањето.
Претседателот на Ла Лига, Хавиер Тебас Медрано, е познат мразител на Реал Мадрид. Тој отворено нè критикуваше и рече дека натпреварот не смее да се одложи. Ова е манипулација. Сезоната 2025/26 во Шпанија е наместена и манипулирана. Нашиот тим ја започнува сезоната по нивни избор, а не случајно“, беше заклучокот од вчерашната емисија на клупската телевизија.
Реал играше на Светското клупско првенство, кое заврши на 14 јули, а „кралскиот клуб“ испадна во полуфиналето. Играчите беа испратени на одмор, а клубот се плаши дека нема да бидат подготвени за новата сезона на време.
Реал не освои никаков значаен трофеј минатата година. Тие го освоија Суперкупот на УЕФА и Интерконтиненталниот куп.
Foto/ EPA/CJ GUNTHER
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шампионот ќе биде домаќин и ќе го игра првиот меч во Лигата на шампионите

Европската фудбалска асоцијација (УЕФА) објави дека од сезоната 2027/28 ќе воведе дополнителна новина во календарот на Лигата на шампионите. Сезоната ќе започне со домашен натпревар на бранителот на титулата во посебен термин.
Средбата шампуионот ќе се игра во вторник, додека сите други натпревари од 1. коло ќе се играат во среда и четврток.
УЕФА сака на овој начин да му даде посебено медиумско внимание, како што е случајот во американската професионална лига на американски фудбал, НФЛ, која со години започнува со домашен натпревар на бранителите на титулата во четврток, односно три дена пред да се играат другите натпревари од 1. коло.
Во позадина на оваа одлука е можноста за дополнителни приходи од продажбата на телевизиските права за следниот тригодишен период, кој ќе започне токму со сезоната 2027/28, кога дел од натпреварите би можеле да се префрлат на канали како DAZN, Netflix или Disney.
Спорт
Гаскоњ: Испив девет чаши бренди и бев прогласен за играч на натпреварот

Веројатно најталентираниот фудбалер во историјата на англискиот фудбал, Пол Гаскоњ, се потсети на неколку моменти од својата кариера во ТВ-шоуто „Добро утро Британијо“.
Животот на Пол Гаскоњ беше обележан со неверојатен дар за фудбал, но и со ексцеси во неговиот приватен живот, од кои некои оставија големи последици за него. Неодамна, тој објави автобиографија наречена „Осум“. Во ТВ-шоуто „Добро утро Британијо“, Газа се потсети на неколку моменти од својата кариера, како и на некои надвор од теренот.
Една од епизодите се случи за време на финалето на Шкотскиот Лига Куп. Глазгов Ренџерс играше против Хартс, а тогашниот менаџер на „Полицајците“, Волтер Смит, најде начин да го разбуди Пол.
„На полувремето ме праша дали сум пиел пред натпреварот, јас реков не, на што тој одговори: „Оди да се напиеш неколку пијалоци“. Испив девет чаши бренди, се вратив на теренот, постигнав два гола и бев прогласен за играч на натпреварот“, рече Гаскоњ.
Колку и да беше гениј на теренот, толку беше самодеструктивен надвор од него, понекогаш штетен дури и за оние што му беа најблиски.
„Со години се дистанцирав од семејството, тишината ме обземаше. Кога татко ми одлучи да ме смести во психијатриска установа, сфатив колку е сериозна ситуацијата. Поминав 11 дена во таа установа и тоа ми го спаси животот.“
Можеби најтешкиот дел од приказната е оној за неговиот помлад брат. За Пол, тоа беше најголемата траума.
„Самиот си ја презедов обврската да се грижам за него. Но, во момент на невнимание, тој истрча пред мене. Го удри автомобил. Мислев дека сè уште дише. Ми почина во раце.“
Неговите проблеми со алкохолот му предизвикаа многу проблеми, до тој степен што го уништија на секој можен начин.
„Можев да поминам месеци без да предизвикувам проблеми, а потоа пиев два дена и последиците ќе се почувствуваа. Се чувствував мизерно. Морав да одам на состанок на Анонимните алкохоличари. Дури кога отидов кај нив сфатив дека сум алкохоличар. Ја напишав книгата „Осум“ за да им помогнам на другите. Нема никаква врска со фудбалот“.
Друга интересна ситуација се случи во летото 1988 година. Гаскоњ тогаш се пресели од Њукасл во Тотенхем. Сер Алекс Фергусон сакаше да го доведе во Манчестер Јунајтед, Газа му ветил, но не го одржал ветувањето. Клучна улога одиграл тогашниот претседател на Тотенхем, Ирвинг Сколар.
„Татко ми сакаше 120.000 фунти и БМВ, сестра ми сакаше лежалка пред куќата. Сколар прифати сè и договорот беше склучен. Кога го видов Фергусон години подоцна, разговаравме и тој ми рече: „Како, по ѓаволите, се осмели да ме одбиеш. Ја направи најголемата грешка во животот“, се присети Гаскоњ.
Спорт
Казорла: Немам врска со отказот што го доби Пауновиќ

Легендарниот шпански фудбалер Санти Казорла беше принуден да ги негира написите дека влијаел врз отпуштањето на Вељко Пауновиќ.
Казорла одговори по обвинувањата на социјалните мрежи, каде што откри дека веста за отпуштањето на Пауновиќ е шокантна за него.
„Јас сум професионалец 22 години, а можете да ги прашате сите претседатели, спортски директори и тренери со кои сум соработувал. Никогаш немав никаква врска со одлуките на клубот за отпуштање на тренер“, рече Казорла на прес-конференцијата.
„Не можам да дозволам мојот имиџ да биде нарушен, бидејќи секогаш се обидував да придонесам на секој начин.“
Потоа ја искористи можноста да му се заблагодари на српскиот тренер за сè што направи за Овиедо.
„Би сакал да му се заблагодарам на Пауновиќ за неговата работа. Имаме одличен однос и вчера разговарав лично со него. Сакам да му се заблагодарам нему и на неговиот стручен штаб за сè што постигнавме. Тие засекогаш станаа дел од историјата на овој клуб“, нагласи Казорла.
Пауновиќ минатата сезона, по пауза од 24 години го врати Овиедо во елитниот ранг на шпанскиот фудбал. Доби отказ откако забележа две победи во првиоте осум рунди во новата сезона.
Фото/ Принтскрин