Спорт
Реал Мадрид со мега-понуда за Рахим Стерлинг, Јуве го „бркаат“ Гвардиола

Реал Мадрид и Јувентус ќе се обидат да ја искористат двегодишната европска суспензија на Манчестер сити за да ги засилат своите редови – Мадрид ќе тргне по напаѓачот Рахим Стерлинг, додека Јуве ќе продолжат со обидите да го убедат Пеп Гвардиола да стане нивни тренер ова лето, тврди британскиот „Сан“.
Реал Мадрид сметаат дека сигурно ќе се обидат да го убедат Стерлинг да го напушти „Етихад“, откако се соочува со две сезони без настапи во Лигата на шампионите, иако Сити го ценат својот напаѓач фантастични 180 милиони фунти.
25-годишниот Стерлинг има договор уште три сезони со Сити, и заработува околу 300.000 фунти неделно, а Сити ќе се обидат да го убедат да остане со понуда од 450.000 фунти неделно. Стерлинг повеќе пати имаше изјавувано дека би сакал да игра надвор од Англија во својата кариера. Иронично, следниот европски меч на Сити е гостувањето кај Реал во осминафиналето на Лигата на шампионите.
„Сан“ исто така тврди дека претседателот на Јувентус, Андреа Ањели прави сè што е можно да го убеди Гвардиола да пристигне во Италија, иако Каталонецот има договор до 2021 година и повеќе пати изјавуваше дека е подготвен да го продолжи договорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.