Актуелното раководство на РФМ предводено од Живко Мукаетов ќе продолжи да го води ракометот и во следните четири години. Сите делегати и здруженија се едногласни по тоа прашање и ќе биде официјализирано следната недела.

Редовното изборно Собрание на РФМ ќе се одржи на 31 јануари во Скопје. Единствен кандидат за претседател на РФМ ќе биде актуелниот, Живко Мукаетов.

Сите клубови дадоа поддршка за Живко Мукаетов да остане на чело на федерацијата и во следните четири години. Поддршката е посмена, заверена со потпис и клупски печат. Според регулативите, еден клуб не може да даде поддршка за два кандидата, следствено на тоа друг кандидат за претседател нема да има, а изборот ќе биде едногласен.

Собранието ќе се одржи на 31 јануари во „Александар Палас“ со многу строги мерки за заштита од Ковид-19. Делегатите што ќе учествуваат на собранието, а и сите што ќе бидат дел од настанот ќе бидат тестирани со брзи тестови и ќе мора да почитуваат уште низа мерки.

Луис Суарез продолжи одигра уште еден брилијантен меч за Атлетико Мадрид. Уругавецот, синоќа на својот 34 роденден постигна гол, во победата над Валенсија 3:1.

Од почетокот на сезоната Суарез, одиграл 15 натпревари, на кои постигнал 12 гола во Ла Лига.

Уругваецот има најдобар почеток на сезоната во новиот клуб, во последните 10 години. Во 2010 година, Крстијано Роналдо, за Реал Мадрид, на првите 15 натпревари постигна 13 голови.

За потсетување, пред стартот на новата сезона, тренерот на Барселона Роналд Куман, му порача дека не му е потребен, а Суарез бесплатно се пресели во Атлетико.

Џејлен Браун, Демијан Лилард и Гордон Хејворд блескаа изминатата ноќ во НБА-лигата.

Бостон Селтикс  ја прекина серијата од три порази против Кливленд Кавалирс. Селтикси предводени од Џејлен Браун го „прегазија“ Кливленд со 141:103. Браун постави нов рекорд во НАБ-лигата, тој за само 19 минути успеа да постигне 33 поени.

Шарлот Хорнест забележа победа на Флорида, против Орландо 107:104. Хорнетси последниот период го добија со 33:18. До победата ги предводеше Гордон Хејворд со 39 поени и 9 скока.

Портланд тесно го совладаа Њујорк Никс, 116:113. Најзаслужен за победата беше Демијан Лилард со 39 поени, 5 скока и 8 асистенции.

За издвојување е и улогата што ја имаше Јанис Адетокумбо во победата на Милвоки над Атланта 129:115. Гркот забележа 23 поени, 14 скока и 8 асистенции.

Резултати:

Бостон-Кливленд 141:103
Орландо-Шарлот 104:107
Милвоки-Атланта 129:115
Сан Антонио-Вашинготн 121:101
Портланд-Њујорк 116:113