Спорт
Реал: Мислите дека сме идиоти, не досудивте три пенали големи како катедрала
Хосе Санчез Мартинез, судијата на дербито од 23. коло на Ла Лига, Реал – Атлетико (1:1), е на удар на навивачите на Реал, но и на тој клуб. ТВ Реал Мадрид по дербито излез со коментар: „Судии, како можете мирно да спиете?!“, со тврдење дека во три ситуации не бил досуден пенал за реал
„Судијата мораше да го досуди првиот кога Саул го собори Лукас Васкез. Очигледен пенал, судијата беше совршено позициониран за тоа, не реагираше, а не доби ниту повик од ВАР собата. Погледнете, падот на Лукас стартот на противникот е очигледен. Срамно е што судиите ги вртат главите во такви очигледни ситуации“.
Телевизијата на Реал понатаму тврди дека два пати не бил досуден пенал врз Џуд Белингам.
„За првиот беше соборен од Стефан Савиќ. Англичанецот беше во трка за додавање кое ќе го оставеше сам пред Облак, но Црногорецот го удри со лакт за да го запре. Нема што да разговараме овде, штета што не беше досуден. Ова е пенал голем како катедрала!“
Конечно, третиот случај го опишува Реал Мадрид ТВ вака: „Белингам одеше на центаршут од корнер, кога Маркос Љоренте го спречи со боречки зафат. Да го наречеш ова „прегратка“ значи дека од луѓето правиш. идиоти, будали, а ние тоа не сме. Џуд избори два пенали, но не доби ниту еден и полека почна да сфаќа каква е Ла Лига“.
Телевизијата на Реал посочува: „На сите наши навивачи им е јасно дека три од четирите градски дербија ги реши трозабецот на Атлетико, судиите Алберола Рохас, Куадра Фернандез и Санчез Мартинез. За разлика од Атлети, Реал не може да си дозволи такви играчи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.
Спорт
Чави инстирал капитенот да остане – Серхи Роберто го продолжи договорот
Капитенот на Барселона, Серхи Роберто ќе потпише нов договор со каталонскиот клуб.
Чави Ернандез им порачал на Деко и Џоан Лапорта дека Роберто има огромно влијание врз младите играчи, дека е вистински лидер и дека како играч во ротацијата се уште е од големо значење.
Роберто е дете на клубот, а многумина со години го гледаат надвор од Барселона, но Чави го штити и го сака во тимот. Навивачите и јавноста се поделени, мислат дека е време за промена на генерациите, иако Роберто има намалена улога на теренот како некогаш Џерар Пике и Жорди Алба.
Сепак, Роберто во неколку наврати прифаќаше намалување на платата, практично сега заработува пет пати помалку од пред три години, што е уште една причина за продолжување на договорот.
Роберто е свесен дека нема да игра многу, но не се гледа себеси надвор од Барселона, каде што ја помина целата своја кариера.