Спорт
Реал нема намера да му плаќа на Мбапе 50 милиони евра од сезона

Килијан Мбапе одлучил да го напушти ПСЖ, преферира трансфер во Реал, но бил подготвен да разгледа и друг понуди, тврди „Марка“.
Услов за да се согласи на трансфер е некој да му понуди годишна плата од 50 милиони евра. Поточно, тој бара околу 250 милиони за петгодишен договор и тоа е услов за сите заинтересирани, вклучувајќи го и Реал.
Наводно тоа им го соопштила на заинтересираните клубови неговата мајка Фаиза која ги води преговорите. Луѓето од Реал на челот со првиот човек Флорентино Перез биле шокирани од кога слушнале што бара фудбалерот.
Реал нема намера летово да го доведат Мбапе, поточно да платат отштета за Французинот, ќе се обидат да го ангажираат следната сезона кога ќе биде слободен играч.
Исто така, како што тврди „Марка“, Реал нема намера да да го плаќа Мбапе 50 милиони евра по сезона. На „Сантијаго Бернабеу“, сметале дека Мбапе премногу размислува за пари и веруваат дека мора да прифати намалување на платата во однос на таа што ја има. во Париз, за да го облече белиот дрес.
Тоа практично значи дека не можел да смета ниту на сегашните 45 милиони (со бонуси) што ги има во Париз.
Дали тоа значи дека Мбапе нема да пристигне во Мадрид, тешко е да се каже, особено што Перез не пропушта такви шанси. Првиот човек на „Лос Бланкос“ е креативен кога е во прашање постигнувањето договор, па би можел да најде некој друг начин како да ја надомести разликата меѓу она што го бара фудбалерот и она што е подготвен да го понуди клубот.
„Марка“ тврди и дека Реал нема да ангажира ниту еден напаѓач наместо Бензема, поточно некое големо име, пристигна ветеранот Хоселу и тоа ќе биде се кога е во прашање споменатата позиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.
Спорт
Кристал Палас го заврши трансферот на Јереми Пино

Шпанскиот репрезентативец Јереми Пино е новото засилување на Кристал Палас, во кој ќе ја наследи улогата на доскорошниот лидер на „орлите“ Еберечи Езе.
Езе, минатата недела се пресели во Арсенал, а освојувачот на ФА Купот од трансферот заработи 79.000.000 евра. Менаџерот Оливер Гласнер експресно најде замена за Езе. Кристал Палас ќе му плати на Виљареал 30.000.000 евра за Пино.
Момчето од Канарските Острови одигра 170 натпревари за „жолтата подморница“, со напаѓачки настап од 22 гола и 23 асистенции. Тој ја освои Лигата на Европа во 2021 година, но и Лигата на нации во 2023 година со Шпанија, за која играше 15 пати.
На почетокот на сезоната, клубот од главниот град на Англија го изненади Ливерпул и го освои Комјунити Шилд, додека во Премиер лигата освои два бода во првите два натпревари.