Спорт
Реал одбиле 90.000.000 за Валверде
Реал Мадрид, од неименуван клуб од Премиер лигата, одбиле понуда од неверојатни 90.000.000 евра за репрезентативецот на уругвај, Федерико Валверде.
Откако „Снатијаго Бернабеу“ го напушти Касемиро, во Реал веруваат дека Валверде заедно со Камавинга и Чуамени ја претставува иднината на клубот. Овие тројца добиваат се повеќе шанси и покрај тоа што Модриќ и Крос се уште се незаменливи во стартниот состав.
Реал од продажбата на Касемиро заработи 70.000.000 евра.
Мистерија е само кој клуб понудил богатство за Уругваецот.
Мадридските медиуми пишуваат дека веројатно не станува збор за Тотенхем и Ливерпул, додека останатите од врвот на англискиот фудбал: Челси, Манчестер јунајтеди Арсенал ќе се обидат до крајот на предониот рок да се засилат со играч од редот за врска.
Манчестер сити е надвор од сите комбинации бидејќи Пеп Гвардиола изјави дека неговиот клуб повеќе нема да купува во актуелниот преоден рок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите со огномет го прекинаа натпреварот на Ајакс
Последниот натпревар од 14-то коло од холандското фудбалско првенство помеѓу Ајакс и Гронинген беше прекинат во седмата минута по голем огномет од страна на домашните навивачи.
Навивачите го предизвикаа првиот прекин во шестата минута откако запалија голем број факели за да му оддадат почит на еден од нивните навивачи кој почина минатата недела. Судијата Бас Нијхуис ги испрати двата тима во соблекувалните.
По повеќе од 40 минути пауза, натпреварот продолжи, но следеше нов огномет, по што судијата означи крај.
„Повеќе не можам да ја гарантирам безбедноста на играчите. Ова однесување е неприфатливо“, изјави Нијхуис за ESPN.
„Не сакам безбедноста на играчите да ми е на совест. Мора да се преземат мерки бидејќи ова е едноставно лудо“, додаде тој.
Здружението на навивачи на Ајакс се дистанцира од огнометот.
„Силно се дистанцираме од каква било акција што му штети на клубот, а особено од ваква акција, која ја загрозува безбедноста на играчите и навивачите. За жал, добронамерните навивачи и клубот сега страдаат поради тоа“, рекоа тие.
И двата клуба сега ќе мора да почекаат одлуката на Холандската фудбалска асоцијација (KNVB) за тоа кога ќе се игра остатокот од натпреварот и дали воопшто ќе се игра.
Натпреварот веројатно ќе се игра без навивачи на стадионот. Резултатот беше 0:0 кога натпреварот беше прекинат.
Спорт
Кошаркарите во Даблин ја победија Ирска
Кошаркарска репрезентација на Македонија ја постигна втората победа во претквалификациите за Евробаскет 2029. Македонија, во Даблин ја совлада Република Ирска со 76:88 (27:20; 13:22; 22:19, 14:27).
Лоша прва, одлична втора и брилијнтан последна четвртина одиграа македонските кошаркари, во мечот од второто коло, во А групата.
Лошо влегоа во натпреварот играчите на селекторот Марјан Илиевски, имаа негатива од седум поени по првите 10 минути, а на почетокот на вториот период, Ирска ја оствари најфисоката предност (31:20).
Двоцифрениот минус ги разбуди макеоднските репрезентативци, кои во продолжението го презедоа водството благодарение на серијата 15:2.
Во третиот перио
д двете репрезентации се менуваа во водство, па Ирците во решавачката четвртина влегоа со предност од еден поен.
Македонија го заклучи мечот со серијата 18:5, ја забележаа втората победа со која се лидери во групата.
Андреј Јакимовски со 26 и Џејкоб Вајли со 20 поени беа најефикасни во македонската репрезентација.
Следниот натпревар, Македонија ќе го одигра на 27.февруари 2026 против Луксембург во Скопје.
Фото/ Кошаркарска федерација на Македонија
Спорт
Аталанта ја продолжи агонијата на Фиорентина
Во дуел меѓу два тима од кои се очекуваше многу повеќе оваа сезона, Аталанта успеа да ја победи Фиорентина со 2:0 (1:0).
Ова е прва победа на Аталанта во Серија А од 21 септември, а Фиорентина и по 13-то коло се уште е без победа.
Во првото полувреме немаше сериозни шанси, Аталанта беше малку поконкретна, но без реализација до 41-та минута.
Потоа, по сосема обична акција на Аталанта и вратена топка од Де Кетеларе, Косону се обиде да центрира, а на крајот топката заврши во мрежата за 1:0.
Веќе на почетокот на второто полувреме, беше 2:0, карамбол по изведен корнер, топката стигна до Локман, кој рутински постигна гол за 2:0.
Foto/ EPA

