Спорт
Реал падна во Мајорка, Барса е лидер во Ла Лига (Видео)

Мајорка успеа да му го нанесе првиот пораз на Реал Мадрид во Ла Лига. Во деветтото коло на Балеарските острови пресуди голот на Жуниор Лаго во седмата минута. Македонскиот репрезентативец Александар Трајковски ги одигра последните 15 минути од овој натпревар.
Зинедин Зидан поради повреди и суспензии на теренот имаше комбиниран состав со Јовиќ, Винисисус и Бензема во нападот, односно Каземиро, Иско и Хамес Родригез во редот за врска.
Реал одигра лошо во првото полувреме, иако поседот на топка беше на нива страна. Од друга стран Мајорка организирано се бранеше, а од првиот опасен напад Лаго ја погоди мрежата.
Играчот од Брегот на Слоновата коска, убаво мина по левата страна, Одриозола не излезе навреме да го блокира, а тој со прецизен удар го погоди спротивниот агол од голот.
Десетина минути подоцна Будимир постигна уште еден гол за Мајорка, кој беше поништен поради офсајд. Реал во првиот дел најзрелата шанса ја имаше преку Бензема, но неговиот удар заврши во гредата.
Слична се одвиваа настаните и во вториот дел, со таа разлика што Реал од 74 минута играше без Одриозола кој го доби вториот жолт картон.
По ова коло Барселона го презеде врвот на табелата со 19 бода, еден повеќе од Реал, два од Гранада и три од Атлетико Мадрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Бетис по шест ипол години го доби градското дерби

Фудбалерите на Бетис на домашен терен ја совладаа Севилја со 2:1 во 29. коло. Бетис по пауза од шест и пол години успеа да го победи градскиот ривал и да остане во трката за место во Лигата на шампионите.
Дербито „Севилјано“ или „Гранд дерби“ како што го нарекуваат Шпанците ги оправда очекувањата на фудбалските фанови, не само поради резултатот, туку и поради интензитетот на играта во текот на целиот натпревар и многуте тешки и бескомпромисни дуели.
Овој пат како победник излезе домашната екипа која славеше по пресвртот што се случи во првите 45 минути.
„Зелените“ имаа значително поголем посед на топка од самиот почеток на мечот, но прва погоди Севилја.
Се играше 17. минута кога Рубен Варгас налета на додавање на Лукебакио и со силен удар ја погоди мрежата на Адријан.
Радоста на гостинските навивачи траеше само осум минути, колку што му требаше на Џони Кардосо да ја заврши убавата тимска акција по левата страна со ефектен гол.
⚽️ GOAL: Johnny
🇪🇸 Real Betis 1-1 Sevillapic.twitter.com/8H1cqFnnPA
— Goals Xtra (@GoalsXtra) March 30, 2025
Кога се чинеше дека резултатот на полувреме ќе биде 1:1, се појави Кучо Ернандез кој мирно реагираше на мајсторското додавање на Иско и донесе целосен пресврт за „бетикосите“.
⚽️ GOAL: Cucho Hernández
🇪🇸 Real Betis 2-1 Sevillapic.twitter.com/ebeVCi76b9
— Goals Xtra (@GoalsXtra) March 30, 2025
Избраниците на Мануел Пелегрини изгледаа подобро во второто полувреме, а ударот на Антони брилијантно го одбрани Ниланд, а кратко потоа обидот на Кардосо заврши покрај голот.
Севилја се обиде да се врати во мечот, но не успеа, па Бетис вечерва го освои 47. бод и се наоѓа на петтото место во шпанската Примера. Севилја е на 11. позиција со 36 поени.
Спорт
(Видео) Наполи остана во шампионската трка, Милан остана без шанси да дојде до ЛШ

Фудбалерите на Наполи останаа во трката за титулата во Серија А, откако во дербито го победија Милан со 2-1.
Наполитанците го решија натпреварот во првите 20 минути. Политано погоди за 1-0 по додавањето од капитенот Ди Лоренцо во втората минута, а во 20.минута Лукаку ја зголеми предноста. Белгиецот го постигна 11. гол во Серија А од почетокот на сеозната.
Милан се разбуди дури на почетокот на вториот дел. Косенисао во рок од десет минути мораше да внесе тројца напаѓачи во игра, а еден од нив на крајот беше трагичар.
Во 69. минута за Милан беше досуден пенал, кој Сантијаго Хименез не успеа да постигне гол.
Сепак, Милан се врати во мелот во 84.минта со голот на Јовиќ , но не успеа да го избегне поразот. Српскиот репрезентаивец го постигна првиот гол за Милан по пауза од една година. Оваа сезона одигра само осум натпревари.
Наполи останува втор со 64 бодови, три зад Интер, додека Милан е подалеку од Европа, сега на деветтото место со 47 бодови.
GOL DO MILAN!!! ⚽
JOVIĆ DIMINUI pic.twitter.com/Itka96ZnN2
— Futebol Hoje ⚽ (@fut_hoje) March 30, 2025
Спорт
Маркез падна, Бањаја победи во Тексас

Победник на третата трка од сезоната во Мото ГП е возачот на Дукати, Франческо Бањаја. Ова е 40-та победа на италијанскиот возач во кариерата, а 30-та во првата класа.
Франческо Бањаја возеше со подобро темпо од претходните две трки, во четвртиот круг изби на второто место, пред Алекс Маркез, но и тогаш се чинеше дека неговиот тимски колега Марк Маркез е недостижен иако практично имаа исто темпо.
Марк Маркез направи голема грешка во деветтиот круг, излета од патеката и сериозно го оштети мотоциклот, во момент кога имаше водство од речиси две секунди. Франческо Бањаја во тој момент го презеде водството со 1,3 секунди предност пред Алекс Марекс, кого го престигна во четвртиот круг.
Предноста на Бањаја само растеше како одминуваше трката, Италијанецот остана концентриран и ја оствари првата победа сезонава. Зад него беа Алекс Маркез и Фабио ди Џанантонио, на второто и третото место.
Четвртото место го зазеде Франко Морбидели, пред Џек Милер. На шестото место се најде Марко Бецеки, а на седмото Енеа Бастианини. Лука Марини ја заврши трката на осмото место пред Аи Огура и Фабио Квартараро.