Спорт

Реал падна во Мајорка, Барса е лидер во Ла Лига (Видео)

Објавено пред

11 месец

- 19 октомври, 2019

Од

Мајорка успеа да му го нанесе првиот пораз на Реал Мадрид во Ла Лига. Во деветтото коло на Балеарските острови пресуди голот на Жуниор Лаго во седмата минута. Македонскиот репрезентативец Александар Трајковски ги одигра последните 15 минути од овој натпревар.

Зинедин Зидан поради повреди и суспензии на теренот имаше комбиниран состав со Јовиќ, Винисисус и Бензема во нападот, односно Каземиро, Иско и Хамес Родригез во редот за врска.

Реал одигра лошо во првото полувреме, иако поседот на топка беше на нива страна. Од друга стран Мајорка организирано се бранеше, а од првиот опасен напад Лаго ја погоди мрежата.

Играчот од Брегот на Слоновата коска, убаво мина по левата страна, Одриозола не излезе навреме да го блокира, а тој со прецизен удар го погоди спротивниот агол од голот.

Десетина минути подоцна Будимир постигна уште еден гол за Мајорка, кој беше поништен поради офсајд. Реал во првиот дел најзрелата шанса ја имаше преку Бензема, но неговиот удар заврши во гредата.

Слична се одвиваа настаните и во вториот дел, со таа разлика што Реал од 74 минута играше без Одриозола кој го доби вториот жолт картон.

По ова коло Барселона го презеде врвот на табелата со 19 бода, еден повеќе од Реал, два од Гранада и три од Атлетико Мадрид.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Манчестер јунајтед планираат шопинг од 300 милиони фунти!

Претходно

Прво финале за Мареј по 2017 година

Спорт

Ѓоковиќ добро се испоти за 14-ти пласман во четврт-финалето во Рим

Објавено пред

2 часа

- 18 септември, 2020

Од

TopSport.mk

Новак Ѓоковиќ е во своето 14-то четврт-финале на Италијанскиот опен во 14-ти настап, откако со 7:6(7)/6:3 го совлада својот сонародник Филип Крајиновиќ

Во првиот сет, Крајиновиќ му создаде многу проблеми на својот славен сонародник, со кого разменија брејкови, пред во тај-брејкот да ја покаже силата, враќајќи се од 4:1 негатива да победи со 7:5 по час и 27 минути. Во вториот сет, попушти концентрацијата на Крајиновиќ и Ѓоковиќ со два брејка го продолжи совршениот скор во третото коло во Рим.

Следен противник ќе му биде подобриот од дуелот на 18-годишната италијанска сензација Лоренцо Мусети и Германецот Доминик Кефер.

Make that 1️⃣4️⃣ consecutive Rome QFs for @DjokerNole!
He battles past Filip Krajinovic 7-6(7), 6-3.@InteBNLdItalia | #IBI20 pic.twitter.com/YwiJfC3GgH
— ATP Tour (@atptour) September 18, 2020

Прикажи повеќе...

Спорт

Официјално: Тијаго Алкантара е нов фудбалер на Ливерпул

Објавено пред

2 часа

- 18 септември, 2020

Од

TopSport.mk

Ливерпул и официјално потврдија дека се договориле со Баерн Минхен за трансферот на Тијаго Алкантара, откако шпанецот потпиша долгорочен договор со „црвените“ и го зеде бројот 6 во дресот. Тој е второ засилување на Ливерпул ова лето по грчкиот дефанзивец Костас Цимикас.

„Чувството е неверојатно и верувајте го чекав овој момент многу долго време. Како што минуваа годините, се обидуваш да победуваш и да победуваш уште повеќе. Мислам дека овој клуб го опишува истото и сакам да освојам многу трофеи. Секогаш сум сакал да бидам близок со мојот клуб и со соиграчите и верувам дека Ливерпул е таков клуб“, вели 29-годишниот Шпанец.

Алкантара, кој има 39 настапи за шпанската репрезентација, помина седум сезони на „Алијанц арената“, а таму пристигна од Барселона. Вкупно, тој има 9 лигашки титули, два трофеи од ЛШ во претходните клубови.

The moment you’ve all been waiting for…#ThiagoFriday 🤩 pic.twitter.com/s2tOCvnHta
— Liverpool FC (@LFC) September 18, 2020

#⃣6⃣ pic.twitter.com/mr8sXRl7pi
— Liverpool FC (@LFC) September 18, 2020

Прикажи повеќе...

Спорт

ЕСПН: Адетокумбо повторно е МВП на НБА лигата

Објавено пред

2 часа

- 18 септември, 2020

Од

TopSport.mk

Грчката ѕвезда на Милвоки бакс, Јанис Адетокумбо е прогласен за најкорисен кошаркар во НБА (МВП) лигата во сезоната 2019/20, јавува обично доброинформираниот извор на „ЕСПН“, Адријан Војнаровски.

„Грчката ѕверка“ има уште една фантастична регуларна сезона зад него, но Бакси не успеаја да се пласираат во полуфиналето на Источната конференција. Според Војнаровски, Адетокумбо е и освојувач и на наградата за најдобар дефанзивен кошаркар во НБА лигата. Тој се приклучува на Хаким Олајџувон (1993/94) и Мајкл Џордан (1987/88), како трет кошаркар кој ја освоил МВП наградата и наградата за најдобар дефанзивен кошаркар.

Адетокумбо имаше 29.5 поени по натпревар во сезоната, 5.6 асистенции и 13.6 скокови, а најсериозни конкуренти за оваа награда секако му беа Леброн Џејмс, Ентони Дејвис и Никола Јокиќ.