Спорт
Реал пред 43.000 навивачи го претстави Ендрик
![](https://makfax.com.mk/wp-content/uploads/2024/07/12391922.jpg)
Бразилскиот тинејџер, Ендрик (18), во саботата е промовиран во нов играч на реал Мадрид. Станува збор за исклучително талентиран напаѓач кој постигна договор со Реал во 2022 година, но му се приклучи на клубот откако стана полнолетен.
Изминатите две сезони настапуваше за Палмеирас, одигра 82 настапи, со учинок од 21 гол и четири асистенции. Ендирк веќе има десет настапи и три гола за сениорската репрезентација на Бразил.
Ендрик на стадионот „Сантијаго Бернабеу“ беше пречекан од 43.000 навивачи.
„Не знам како да го опишам она што го чувствувам. Отсекогаш сум сакал да дојдам овде и да играм за Реал. Го исполнив мојот сон, не само мојот, туку и на моето семејство. Ова е за нив”, изјави Ендрик, кој беше придружуван на церемонијата од родителите.
Според „Трансфермаркт“, Реал издвоил 47.500.000 евра за трансферот на Ендрик, а сумата може да порасне и до 60.000.000 евра доколку се вклучат и бонусите. Сето тоа беше договорено на 15 декември 2022 година, кога беше потпишан договорот до крајот на сезоната 2026/27.
Ендирк во тимот го очекува жестока борба за место во првиот тим. За трите позиции во нападот ќе се бори со Килијан Мбапе и сонародниците Винисиус Жуниор и Родриго Гоес,.
Меѓу другото, Ендрик изјави дека е подготвен да игра на секоја позиција во Реал, клуб во кој се заљуби поради Португалецот Кристијано Роналдо.
impossível não se emocionar com o discurso do endrick na apresentação do real madrid pic.twitter.com/Ckno5sbTFR
— out of context brasileirão (@oocbrsao) July 27, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Англиските Ирци и пресудија на Република Ирска
![](https://makfax.com.mk/wp-content/uploads/2024/09/1725726879-GettyImages-2170696921.jpg)
Англија со победа над Ирска во Даблин ги започна натпреварите во Б дивизијата во Лигата на нации. Победата на Англија и ја донесоа Ирците, кои решија во сениорска конкуренцијата да го носат дресот на „гордиот албион“.
Деклан Рајс и Џек Грилиш во Дабил беа пречекани со транспарент кој ги споредува со змии. Двајцата постигнаа по еден гол, Рајс не го прослави за разлика од Грилиш.
🐍"YILANLAR GERİ DÖNDÜ"
İrlandalı taraftarların İngiltere maçında Declan Rice ve Jack Grealish'e gösterdiği tepki ters tepti.
🔔DEVRE: İrlanda 0-2 İngiltere
⚽11' Declan Rice
⚽26' Jack Grealish 🅰 Declan Rice pic.twitter.com/fayUiaY0HG— Sporx Ekstra (@sporxekstra_) September 7, 2024
Рајс, пред да дебитира за Англија во 2019 година, одигра три натпревари за Ирска. Сега постигна гол на стадионот на кој во 2018 година играше во дресот на Ирска против САД. Грилиш играше за младинските селекции, У18 и У21 на Ирска. Неговата мајка е од Ирска, но тој реши го прифати повикот од Англија.
Спорт
Анчелоти за помошник донесе тренер од англиската Трета лига
Карло Анчелоти (65), според англиските медиуми, повлече шокантен потег. Искусниот Италијанец во својот стручен штаб го донесе помошникот тренер во англискиот третолигаш Стокпорт Каунти.
Станува збор за 38-годишниот Енди Менген, кој беше член на стручниот штаб на над 300 натпревари во третото, четвртото и петтото ниво на англискиот фудбал.
Менген е поранешен напаѓач, кој ја заврши својата кариера во 2018 година. Настапуваше за десет клубови, а во кариерата одигра 425 натпревари и постигна 118 гола.
Никогаш во кариерата не играч на повисоко ниво од Третата лига.
Англиските медиуми пренесуваат дека Менген е близок пријател со Давиде Анчелоти (35), синот на Карло Анчелоти, кој исто така е дел од стручниот штаб на Реал Мадрид.
Тие двајца заедно ги земаа тренерските лиценци, па освен што се пријатели се и поранешни школски другари. Кога Менген ќе ја добие работната дозвола за Шпанија, ќе му се приклучи на стручниот тим на Реал.
Спорт
Гризман. Бевме ужасни против Италија
![](https://makfax.com.mk/wp-content/uploads/2024/09/Untitled-1-17.jpg)
Французите се разочарани од играта што ја прикажаа нивните најдобри играчи на натпреварот против Италија на стартот од Лигата на нации.
„Аѕурите“ сосема неочекувано победија со 3:1 во Париз.
Триколорите поведоа веќе во 14. секунда со голот на Баркола, но во преостанатиот дел од натпреварот Димарко, Фратеси и Распадори целосно го свртеа резултатот.
Еден од најискусните репрезентативци на Франција, 33-годишниот Антоан Гризман заигра по 136-ти пат во дресот на „триколорите“ и не памети вакво лошо издание.
„Ништо не беше во ред. Како репрезентација мора да продолжиме да работиме напорно и да го анализираме овој натпревар. Не бевме добри ниту во напад, ниту во пресинг, ниту во одбрана. Им честитам на Италијанците, овојпат беа подобри“, изјави Антоан Гризман за француските медиуми.
Во следниот натпревар, во понеделник на 9 септември Франција ја пречекува Белгија во Лион, додека истиот ден Италија гостува во Будимпешта против Израел.